आरोग्यनामा ऑनलाइन टीम – स्नायूंच्या दुखण्याने अनेकजण त्रस्त असतात. काहीवेळा किरकोळ अपघातानेही स्नायुंना दुखापत होते. दुखावलेल्या स्नायूंना काही साध्या तेलांनी मालीश केले तर दुखणे कमी होते. यामुळे शरीर ताजेतवाने आणि हलके वाटते.
हे आहेत उपाय
१) लँग लँग ऑइल शरीरावर लावल्यास स्नायूंची वेदना दूर होते. हे तेल ऑलिव्ह कॅरियर ऑइलमध्ये समप्रमाणात मिसळून हलक्या हाताने पोटऱ्या, बाहू आणि अन्य ठिकाणच्या दुखणाऱ्या स्नायूंवर चोळावे.
२) पेपरमिंट ऑइलचा दुखावलेल्या स्नायूंना मसाज करण्यासाठी उपयोग होतो. पेपरमिंट ऑइल पसंतीच्या कॅरियर ऑइलमध्ये समप्रमाणात मिसळून दुखावलेल्या भागावर काही मिनिटे मसाज करा.
३) जरेनियम ऑइलचा वापर नैराश्य आणि ताणतणाव दूर करण्यासाठी केला जातो. त्याशिवाय हार्मोनशी संबंधित समस्यांवरही त्याचा उपयोग होतो. हे तेल ऑलिव्ह ऑइलमध्ये मिसळून लावल्यास स्नायूचे दुखणे कमी होते.
४) रोझमेरीचे तेल हे स्नायूंचे दुखणे दूर करते. यात काही थेंब तिळाचे तेल तसेच कॅरियर ऑइल मिसळून वापरावे.
लॅव्हेंडर ऑइल स्नायूंची वेदना, स्नायूंचा थकवा यावर उपयोगी आहे. या तेलाचे काही थेंब स्नायूंवर लावले तर दुखणे कमी होते. या तेलाने मसाज केल्यास चांगली झोप लागते.
(टिप : वरील सर्व समस्या आम्ही फक्त माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येक व्यक्तीची शारीरिक क्षमता वेगवेगळी असते. त्यामुळे उपाय करण्यापुर्वी तज्ज्ञांचा सल्ला घेणे फायदेशीर ठरते.)
