आरोग्यनामा ऑनलाइन टीम – गरोदरपणात आरोग्य आणि आहाराच्या बाबतीत सावधगिरी बाळगणे अतिशय आवश्यक असते. तुमची एक चुक तुमच्या आरोग्यासाठी तसेच गर्भातील बाळासाठी धोकादायक ठरू शकते. अशा गोष्टींबाबत माहिती नसल्याने काही महिला त्या सेवन करतात आणि यामुळे गर्भपातही होतो. गरोदरपणात कोणत्या गोष्टी खाणे घातक ठरू शकते, याविषयी आपण जाणून घेणार आहोत.
हे लक्षात ठेवा
कच्चा पपई
पपई आरोग्यासाठी अतिशय लाभदायक आहे. परंतु, गरोदरपणात याचे सेवन धोकादायक ठरू शकते. गरोदरपणात पपई खाल्ल्याने गर्भपात होऊ शकतो.
मद्यपान
मद्यातील काही घटक गर्भातील भ्रुणावर परिणाम करतात. यामुळे गरोदरपणात महिलांनी मद्यपान टाळले पाहिजे.
मीठ
गरोदरपणात जास्त मीठ खाणे टाळले पाहिजे. गरोदरपणात मीठाचे जास्त सेवन केल्यास रक्तदाब वाढतो, तसेच चेहरा, हात व पायाला सुज येऊ शकते.
चायनीज फूड
यातील एमएसजी म्हणजेच मोनो सोडियम गूलामेट हे गर्भातील भ्रुणाच्या वाढीसाठी हानिकारक आहे. यामुळे जन्मानंतर बाळामध्ये काही दोष आढळू शकतात. यातील सोया सॉसमध्ये मीठ मोठ्याप्रमाणात असते. यामुळे रक्तदाब वाढू शकतो. गरोदर महिलांसाठी हे अतिशय धोकादायक ठरू शकते.
कच्चे अंडे
जिममध्ये जाणारे अनेकजण कच्चे अंडे सेवन करतात. परंतु, गरोदरपणात महिलांनी कच्चे अंडे खाऊ नये. यामुळे अनेक दुष्परिणाम होऊ शकतात. अंड्यातील सालमोनेला बॅक्टेरियामुळे फूड पॉयजनिंग होऊ शकते. गरोदरपणात महिलांची रोग प्रतिकारशक्ती कमी झालेली असते. यामुळे अशा महिलांना या बॅक्टेरियामुळे फूड पॉयजनिंग होऊ शकते.
(टिप : वरील सर्व समस्या आम्ही फक्त माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येक व्यक्तीची शारीरिक क्षमता वेगवेगळी असते. त्यामुळे उपाय करण्यापुर्वी तज्ज्ञांचा सल्ला घेणे फायदेशीर ठरते.