आरोग्यनामा ऑनलाइन टीम – जंकफूड खाण्याची सवय आरोग्यासाठी अतिशय घातक ठरू शकते. तुम्हाला जर जंकफूड खाण्याची सवय सोडायची असेल तर काही गोष्टींची काळजी घेतली पाहिजे. यासाठी कोणत्या गोष्टी केल्या पाहिजेत याविषयी आपण जाणून घेणार आहोत.
हे लक्षात ठेवा
१) साखरचे प्रमाण जास्त असलेली पेय टाळा. त्यातून केवळ कॅलरीज पोटात जात असतात. स्पोट्र्स ड्रिंक्स, एनर्जी ड्रिंक्स, शुगर ड्रिंक्स, सोडा घेऊ नका.
२) खूप वेळ ताण सहन करावा लागणार नाही अशी परिस्थिती स्वत:च निर्माण करा. कामाचा ताण जाणवत असल्यास त्यापासून मुक्ती मिळवण्याचा प्रयत्न करा. जवळच्या मित्रांशी बोला. चालायला जा. व्यायाम करा. योगा करा.
३) पूर्ण आणि शांत झोप घ्या. झोप कमी झाली तर त्याचे शरीरावर विपरित परिणाम होतात. याच कारणामुळे जंक फूडकडे ओढा वाढू शकतो.
४) खूप भूक लागेल इतक्या वेळ उपाशी राहू नका. प्रत्येक वेळी काहीही खाताना ते क्वॉलिटी फूड असेल याकडे लक्ष द्या.
५) लवकर मिळणार, चटकदार पदार्थ खाऊ नका.
(टिप : वरील सर्व समस्या आम्ही फक्त माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येक व्यक्तीची शारीरिक क्षमता वेगवेगळी असते. त्यामुळे उपाय करण्यापुर्वी तज्ज्ञांचा सल्ला घेणे फायदेशीर ठरते.)