आरोग्यनामा ऑनलाईन- आपल्या स्वयंपाक घरातच (home remedies) असे अनेक पदार्थ असतात, ज्यांच्या वापराने आपण निरोगी राहू शकतो. सध्या कोरोना महामारीमुळे प्रत्येकाची इच्छा आहे की, आपल्यावर छोट्या-मोठ्या आजारासाठी दवाखान्यात जाण्याची वेळ येऊ नये. जर खरोखरंच दवाखान्यात जाणे टाळायचे असेल तर काही घरगुती पदार्थांच्या (home remedies)वापराने तुम्ही रोगप्रतिकारकशक्ती वाढवू शकता. हे पदार्थ कोणते ते जाणून घेवूयात…
हे आहेत ते पदार्थ
1 हळद
रोगप्रतिकरकशक्ती वाढवण्यासाठी हळद खुप उपयोगी आहे. यामुळे थंडी, फ्लू सारख्या इंफेक्शनपासून संरक्षण होते. व्हायरसशी लढण्यास मदत होते. सकाळी उठल्यानंतर गरम पाण्यात हळद मिसळून हे पाणी प्या.
2 आलं
आलं सर्दी, खोकला, अजीर्ण यावर गुणकारी आहे. यासाठी आल्याच्या रसात लिंबाचा रस व मीठ घालून पाणी प्यावे. यामुळे पोटात गॅस, पोटदुखी व मळमळ थांबते. आल्याचा चहा प्यायल्यास सर्दी, डोकेदुखी दूर होते.
3 आळशी
आळशीच्या बीयांमध्ये खुप औषधी गुणधर्म आहेत. यांच्या सेवनाने अनेक आजार दूर राहतात. याच्या सेवनाने रक्तप्रवाह सुरळती होतो, कॉलेस्ट्रॉल नियंत्रणात राहतात. एक चमचा आळशी पावडर गरम दूधात घालून प्यायल्याने तसेच दह्यासोबत सेवन केल्याने रोगप्रतिकारशक्ती चांगली राहते.
4 तुळस
रोगप्रतिकारक शक्ती, प्लेटलेट्स वाढवण्या तुळस लाभदायक आहे. थकवा दूर करण्यासाठी सुद्धा तुळस गुणकारी आहे. रोज सकाळी तुळशीची पाने खावीत. तसेच तुळशीच्या पानांचा रस प्यायल्याने मधुमेह नियंत्रणात राहतो.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.