आरोग्यनामा ऑनलाइन टीम – सध्या संपूर्ण देश कोरोना (Coronavirus) संसर्गाच्या दुसऱ्या लाटेला तोंड देत आहे. या विषाणूने आतापर्यंत जगभरातील अनेकांचे प्राण घेतले आहेत. पण त्याचा प्रकोप अजूनही कमी झालेला नाही. या विषाणूचे नवे व्हेरियंट तयार होत आहेतच, त्याबरोबर कोविडची बाधा होऊन बरे झालेल्या रुग्णांमध्येही वेगवेगळी लक्षणं दिसून येत आहेत. त्यात कोरोनातून ठिक झालेले अनेक रूग्ण अव्हॅस्क्युलर नेक्रोसिस (एव्हीएन) AVN या खुब्याच्या गंभीर आजाराने त्रस्त होत असल्याचे दिसून येत आहे.
कोरोना रूग्णांवर उपचार करताना स्टेरॉईडचा वापर करण्यात आल्यान अनेक रूग्णांना ही समस्या होऊ लागली आहे. कोविड रुग्णांवर उपचार करतांना रोगप्रतिकार दाबून टाकणारी औषधे असतात. या औषधांमुळे माणसाची रोगप्रतिकारक शक्ती कमी होते. त्यामुळे कोरोनातून ठिक झाल्यानंतर अनेक रूग्णांमध्येही विविध आजार होत असल्याचे पाहायला मिळत आहे. त्यातच कोरोनाच्या पहिल्या लाटेत कोरोनाची लागण झालेल्या अनेक रूग्णांना लवकर बरे करण्यासाठी स्टेरॉईडचा अतिवापर करण्यात आला होता. अशा रूग्णांमध्ये आता खुब्याची समस्या प्रकर्षानं जाणवू लागली आहे.
–
पुण्यातील अपोलो स्पेक्ट्रा रूग्णालयातील ऑर्थोपेडिक तज्ज्ञ डॉ. आनंद जाधव म्हणाले की, ‘‘कोविडमधून बऱ्या झालेल्या रुग्णांमध्ये म्युकरमायकॉसिस किंवा ब्लॅक फंगस या आजारांची लक्षणं दिसून आली होती. त्यानंतर आता अनेक रुग्णांमध्ये अव्हॅस्कुलर नेक्रॉसिसची लक्षणं दिसून येत आहेत. कोरोनाच्या पहिल्या आणि दुसऱ्या लाटेच्या काळात रूग्णांना मोठ्या प्रमाणात स्टिरॉइड्स देण्यात आल्याने कोरोनातून बरे झालेल्या अनेक रूग्णांमध्ये सध्या एव्हीएन (खुब्याचे दुखणे) समस्या दिसून येत आहे. दर महिन्याला 10 ते 15 रूग्ण खुब्याची तक्रार घेऊन उपचारासाठी येत आहेत.’’
‘‘कोरोनाची लागण झाल्यानंतर रूग्णाला स्टेरॉईड औषध दिला जातात. या औषधांचा अतिवापर केल्यास रूग्णाच्या शरीरात एव्हीएनची समस्या निर्माण होऊ शकते. साधारणतः कुठल्याही आजारावरील उपचारात स्टेरॉईडचा औषधांचा वापर केल्यास सहा महिने किंवा एका वर्षात एव्हीएन विकसित होतो. पण तो कोरोना रूग्णांमध्ये लवकर विकसित होताना दिसत आहे’’, असेही डॉ. जाधव म्हणाले.
डॉ. जाधव पुढे म्हणाले की, ‘‘एव्हीएन रूग्णांमध्ये खुब्याच्या बॉलच्या आत हाडांमधील दाब वाढलेला असतो.
त्याच्या कडक रचनेमुळे रूग्णांना वेदना होतात.
एव्हीएन हा आजार पहिल्या व दुसऱ्या टप्प्प्यात असल्यास कोअर डीकॉम्प्रेशन शस्त्रक्रिया केली जाते.
त्यातून बॉलच्या आतील दाब कमी केला जातो.
एव्हीएन आजाराच्या तिसऱ्या व चौथ्या टप्प्यात कायमस्वरूपी वेदना कमी करण्यासाठी जॉंईट रिप्लेसमेंट शस्त्रक्रिया हा एकमेव पर्य़ाय असतो.
मात्र, एव्हीएनचं वेळीच निदान झाल्यास शस्त्रक्रिया करण्याची गरज पडत नाही.
म्हणूनच कोविड-19 झालेला असताना स्टिरॉइड्स दिले गेलेल्या रुग्णांना खुब्यात किंवा मांडीत दुखणं जाणवत असेल तर त्यांनी एमआरआय किंवा एक्स-रे काढून आपल्याला हिप एव्हीएन झाला आहे किंवा नाही हे तपासून पाहणं गरजेचं आहे.’’
–
अपोलो डायग्नोस्टिक्सचे कन्सल्टंट पॅथॉलॉजिस्ट डॉ. किर्ती प्रकाश कोटला म्हणाले की,
‘‘कोविड-१९ रूग्णांवर उपचारासाठी वापरण्यात येत असलेल्या स्टेरॉईड औषधांमुळे मोठ्याप्रमाणात एव्हीएनची प्रकरण समोर येत आहेत.
या आजारात मांडीत तीव्र वेदना जाणवते.
खांदा, गुडघा आणि पायातही वेदना जाणवतात.
म्हणूनच कोविड उपचारानंतर नितंब किंवा मांडीमध्ये वेदना होत असल्यास नितंबाच्या एव्हीएन (ऑस्टेओनेक्रोसिस) निदानासाठी एक्स-रे, सीटी स्कॅन, एमआरआय आणि नितंबांच्या हाडाचे स्क्रिनिंग करून घेणं गरजेचं आहे.
वेळीच निदान व उपचार झाल्यास हा आजार बरा होऊ शकतो.
एव्हीएन या आजारापासून दूर राहण्यासाठी मद्यपान व धुम्रपान करणे टाळा,
कोलेस्टेरॉलच्या पातळीचे निरीक्षण करा आणि डॉक्टरांच्या सल्ल्याशिवाय स्टेरॉईड औषध घेणं टाळा.”
Web Title :- The number of patients suffering from AVN disease is increasing – doctor’s observation
Home Remedies | मासिकपाळी टाळण्यासाठी औषधे घेऊ नका, ‘हे’ घरगुती उपाय करा; जाणून घ्या
Health News | ऑक्सिजनची पातळी किती असावी? घरी ऑक्सिजनची पातळी कशी वाढवायची ते जाणून घ्या…