आरोग्यनामा ऑनलाईन टीम – शरीरामध्ये कॅल्शियम , व्हिटॅमिन्स , प्रोटिन्स आदि घटक योग्य प्रमाणात असणे महत्वाचे असते . यापैकी कोणत्याही घटकांची कमी असणे हे शरीराच्या वाढीवर आणि निरोगी राहणीमानावर परिणाम करू शकते. व्हिटॅमिन ‘डी’च्या कमतरतेमुळे मुडदूस सारखा गंभीर आजार होऊ शकतो. हा आजार प्रामुख्याने लहान मुलांमध्ये आढळून येतो.
शरीराला योग्य प्रमाणात ‘ड जीवनसत्व’ न मिळाल्याने कॅल्शियम आणि फॉस्फेटची कमतरता निर्माण होते . परिणामी हाडे कमकुवत होण्याची मोठी समस्या होते. या आजारास मुडदूस असे म्हणतात . विशेष करून ६ ते ३६ महिने वय असणाऱ्या बालकांमध्ये ही समस्या निर्माण होऊ शकते .अशी लक्षणे आढळून आल्यास तात्काळ वैद्यकीय सल्ला घ्यावा. जाणून घ्या मुडदूस या आजाराची लक्षणे, कारणे, चिकित्सा, उपाय आणि आहार काय असावा याबद्दल –
मुडदूस या आजाराची लक्षणे
हात, पाय आणि मणक्यामध्ये वेदना होणे ,
शरीराची वाढ खुंटणे,
फ्रॅक्चर (bone fractures) ,
पायाच्या हाडांमध्ये बाक येणे ,
डोक्याचा आकार मोठा होणे ,
वात येणे ,
दातांच्या संरचनेत विकृती निर्माण होणे ,
बौद्धिक अक्षमता
पाठीत बाक (कुबड) येणे,
शाररिक विकासात संथपणा
मुडदूस या आजाराची कारणे –
मुडदूस आजार होण्याचे प्रमुख कारण म्हणजे ‘ड’ जीवनसत्वाची कमतरता होणे.
हा आजार आनुवंशिकही आहे. तसेच गर्भावस्थेमध्ये आई मध्ये ड जीवनसत्व कमी असल्यास देखील बाळात आजार येऊ शकतो .
प्रसूती लवकर झाल्याने देखील बाळाला मुडदूस होण्याचा धोका अधिक असतो .
कॅल्शियम आणि फॉस्फेटची कमतरता निर्माण झाल्यामुळे हा आजार बळावतो. रक्त चाचणी, एक्स-रे, बोन बायोप्सी करून हा आजार तपासाला जातो .
मुडदूस या आजारावर उपाय आणि आहार
आपल्या शारीमध्ये सर्वच आजारांच्या विषाणूंविरूद्ध लढण्यासाठी विशिष्ट प्रक्रिया जन्मापासून ते मृत्यूपर्यंत सातत्याने सुरु असते. शरीर केवळ सकाळच्या कोवळ्या उन्हातून ड जीवनसत्व शोषून घेते. त्यामुळे अगदी नवजात बालकांना देखील सकाळच्या कोवळ्या उन्हात न्यावे. त्यातून शरीर शरीरात ड जीवनसत्वाची निर्मिती करते.
दूध, अंडी, मासे, पालक, दुग्धजन्य पदार्थांमध्ये ‘ड’ जीवनसत्व सर्वाधिक असते. अनुवांशिक आणि गर्भवती मातांना कॅल्शियम आणि फॉस्फरसयुक्त औषधे वैद्यकीय सल्याने दिली जातात.