आरोग्यनामा ऑनलाईन- साल्मोनेला बॅक्टेरियाच्या संसर्गामुळे लोक टायफाइड तापाला बळी पडतात. शरीराचे तापमान १०२ अंशांपर्यंत वाढते. तसेच रोग प्रतिकारशक्ती कमी झाल्याने रक्ताचा अभाव आणि कमकुवत पाचन तंत्रामुळे अतिसार होऊ शकतो. वेळेत उपचार मिळवणे खूप महत्त्वाचे आहे. तज्ज्ञांच्या मते, लवकर आराम मिळवण्यासाठी काही गोष्टींचा आहारात समावेश करणे आवश्यक आहे. जाणून घेऊ
१) द्रव पेय
यावेळी रुग्णाच्या शरीरात पाण्याची कमतरता भासू नये. यामुळे त्याला वेळोवेळी द्रवपदार्थ द्यावे. अन्यथा, अतिसाराची समस्या उद्भवू शकते. हे टाळण्यासाठी ८-१० ग्लास पाणी प्या. याशिवाय ताज्या फळांचा रस, सूप किंवा नारळाचे पाणी सेवन करणे देखील फायदेशीर आहे.
२) प्रथिने आणि कार्बोहायड्रेट समृद्ध वस्तू
यावेळेस कमकुवतपणा येऊन वजन कमी होते. म्हणून आहारात प्रथिने आणि कार्बोहायड्रेटयुक्त पदार्थ खाणे फायदेशीर ठरते. परंतु, लक्षात ठेवा की त्यामध्ये अशा गोष्टींचा समावेश आहे, जे खाल्ल्याने लवकर पचन होऊ शकते. यामुळे उकडलेले बटाटे, तांदूळ इत्यादी खाणे योग्य ठरेल. याशिवाय एवोकॅडो, ड्राई फ्रूट्स, खजूर आणि जर्दाळू देखील मर्यादित प्रमाणात खाऊ शकतात.
३) मनुके
युनानी औषध म्हणून ओळखले जाणारे मनुके खाणे खूप फायदेशीर आहे. यासाठी मनुके ४-५ मनुके तळून घ्या. नंतर ते सेंधा मीठ टाकून खा. यामुळे ताप कमी होण्यास मदत होते.
४) दुग्ध उत्पादने
टायफाइड दरम्यान शरीरात कमकुवतपणा आणि थकवा येतो. तो कमी करण्यासाठी दुग्धजन्य पदार्थ घ्या. हे शरीरात ऊर्जा येण्यासह लवकरात लवकर आराम मिळवण्यासाठी मदत करते. त्यात दही आणि ताक खाणे फायद्याचे ठरेल.
५) उच्च कॅलरीयुक्त अन्न
आहारात उच्च उष्मांक समाविष्ट करा. हे शरीरातील कमकुवतपणा दूर करण्यात, योग्य वजन आणि रक्ताची कमतरता पूर्ण करण्यास मदत करेल. यामुळे केळी, शेंगदाणे, लोणी, तांदूळ, ताजी फळे आणि भाज्या खाणे आवश्यक आहे.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अ‍ॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अ‍ॅलर्जीही असते. त्यामुळं तुम्हाला अ‍ॅलर्जी असणारे पदार्थ वापरणं टाळावं.
