आरोग्यनामा ऑनलाईन टीम – धकाधकीची जीवनपद्धती आणि अनियमित दिनचर्या या कारणामुळे हायब्लडप्रेशर असलेल्या रुग्णांची संख्या दिवसेंदिवस वाढतच चालली आहे. ब्लडप्रेशरमुळे हृदयाचे आजार, स्ट्रोक अशा समस्या निर्माण होण्याची दाट शक्यता असते. म्हणूनच हायब्लड प्रेशर निष्पन्न झाल्यावर उपचार करण्यापेक्षा आधीच सावध होणे आवश्यक आहे.
हायब्लड प्रेशरची लक्षणे –
सतत डोके दुखणे, जड वाटणे
चक्कर येणे,
आसपासच्या वस्तू हलत असल्याचा भास होणे,
कामात लक्ष केंद्रित न होणे, एकाग्रता न होणे,
थकवा जाणवणे, चिडचिड करणे,
छातीत धडधड होणे, छातीत दुखणे.
हायब्लड प्रेशर होऊ नये म्हणून घ्या ही काळजी –
दिवसातून कमीतकमी २० मिनिट जॉगिंग करावे. जॉगिंग केल्याने शरीराची ऑक्सिजन घेण्याची कॅपॅसिटी वाढते आणि ब्लडप्रेशर नियंत्रित राहतो.
आठ ते दहा ग्लास पाणी रोज प्या. झोपेतून उठल्यानंतर एक ग्लास पाणी अवश्य प्या.
एरोबिक केल्याने हाय ब्लडप्रेशर कमी होतो.
तणावरहित राहण्यासाठी प्राणायाम कपालभाति करावी.
मीठाचं सेवन कमी प्रमाणात करा. हाय सोडीयम मीठाचा वापर कमीत कमी करा. पोटॅशियम असणारं मीठ वापरा.
आवळा ज्यूस ब्लड प्रेशर नियंत्रणात आणतो. त्यामुळे आवळा ज्यूसचं सेवन करा.
फळं, भाज्या, कमी फॅटस असलेले दुग्धजन्य पदार्थ, कमी सोडियम, कमी सॅच्युरेटेड फॅटस् असलेले पदार्थ सेवन करा.
हिरव्या भाज्यांमध्ये सोडियमचं प्रमाण अधिक असतं. त्यामुळे हिरव्या भाज्या नेहमी असाव्यात.
गाजर, बीट, काकडी, टोमॅटो, कांदा, कोबी या भाज्या कच्च्या खाव्यात.
लसूण खाल्ल्यास कोलेस्टरॉल आणि रक्तदाबाचं प्रमाण कमी होतं.