आरोग्यनामा ऑनलाइन टीम – Banana In Winters | हिवाळ्यात केळी खावी की नाही, या संभ्रमात अनेकजण असतात. केळी हे असे फळ आहे जे शरीराला भरपूर ऊर्जा देण्याचे काम करते. परंतु, जर तुम्हाला श्वासाचा आजार असेल किंवा खोकला किंवा सर्दी (Cough or cold) असेल तर थंड वातावरणात रात्री केळे खाणे टाळावे. कारण ते कफच्या संपर्कात आल्यावर जळजळ निर्माण करते. सायनसचा त्रास असेल तरी ते मर्यादित प्रमाणात खावे, असे आरोग्य तज्ज्ञ सांगतात. परंतु ज्या लोकांना अशी कोणतीही आरोग्य समस्या नाही, त्यांनी या ऋतूत केळी खाणे अजिबात वर्ज्य करू नये. तज्ज्ञांच्या या मतामागील कारण काय आहे ते जाणून घेऊया. (Banana In Winters)
1. आवश्यक जीवनसत्त्वे आणि खनिजे
हिवाळ्यात हाडांशी संबंधित समस्या वाढतात. दररोज आवश्यक प्रमाणात कॅल्शियमसह हाडांची घनता राखली जाते आणि ती मजबूत होतात. केळीमध्ये पोटॅशियम, कॅल्शियम, मँगनीज, मॅग्नेशियम, लोह, फोलेट, नियासिन, रिबोफ्लेविन आणि बी6 सारखी सर्व आवश्यक जीवनसत्त्वे आणि खनिजे असतात. ही सर्व पोषकतत्व शरीराला निरोगी ठेवतात. (Banana In Winters)
2. केळीत आहे भरपूर फायबर
केळीमध्ये फायबर भरपूर प्रमाणात असते. त्यामुळे पोट बराच वेळ भरल्यासारखे वाटते. यामुळेच लवकर भूक लागत नाही म्हणून नाश्त्यात केळी खावीत. आयुर्वेदानुसार रात्री केळी खाणे टाळावे कारण यामुळे खोकला आणि सर्दी वाढू शकते.
3. केळी हृदयासाठी चांगले
केळी खाल्ल्याने हृदयविकार आणि उच्च रक्तदाब टाळता येतो.
यूकेमधील लीड्स विद्यापीठाने केलेल्या अभ्यासानुसार, फायबरयुक्त पदार्थ हृदयरोगांपासून संरक्षण करतात.
केळ्यामध्ये असलेले पोटॅशियम हृदयाचे ठोके आणि रक्तदाब नियंत्रित ठेवण्यास मदत करते, तसेच मेंदूला सतर्क ठेवते.
4. रात्री भूकेवर नियंत्रण
जर तुम्हाला मध्यरात्री भूक लागली असेल किंवा काही गोड खाण्याची इच्छा होत असेल तर आहारात केळीचा समावेश करा.
हे तुम्हाला साखर आणि जास्त कॅलरी असलेल्या गोष्टी खाण्यापासून वाचवेल.
केळी जीवनसत्त्वे आणि फायबरने समृद्ध असण्यासोबतच मध्यरात्री भूक दूर करण्याचे काम करते.
जर तुम्ही संध्याकाळी जिममध्ये जात असाल किंवा काही व्यायाम करत असाल तर त्यानंतर केळी खाण्याची सवय लावा.
5. चांगली झोप लागते
संध्याकाळी केळी खाणे ही चांगली सवय आहे.
पोटॅशियमयुक्त केळी दिवसभराच्या मेहनतीनंतर स्नायूंना आराम देण्यास मदत करतात.
संध्याकाळी उशिरा एक-दोन केळी खाल्ल्याने थकवा कमी होतो आणि झोप चांगली लागते.
Web Title :- Banana In Winters | banana benefits or side effects in winter who should avoid eating kela in cold expert advice