आरोग्यनामा ऑनलाइन टीम – Vitamin D Deficiency | हाडे मजबूत करण्यासाठी व्हिटॅमिन डी आवश्यक आहे. Vitamin D मुख्य नैसर्गिक स्रोत सूर्यप्रकाश मानला जातो. पण नुकत्याच झालेल्या एका संशोधनात हे व्हिटॅमिन केवळ हाडांसाठीच नाही, तर हृदयाच्या आरोग्यासाठीही आवश्यक असल्याचं सिद्ध झालं आहे. युनिव्हर्सिटी ऑफ साउथ ऑस्ट्रेलियाच्या संशोधकांनी त्यांच्या नवीन अभ्यासाद्वारे हृदयविकारास कारणीभूत होण्यासाठी व्हिटॅमिन डीच्या कमतरतेच्या (Vitamin D Deficiency) भूमिकेचे अनुवांशिक पुरावे शोधून काढले आहेत.
अभ्यासात असे दिसून आले आहे की व्हिटॅमिन डीची कमतरता असलेल्या लोकांना हृदयविकाराचा आणि उच्च रक्तदाबाचा धोका व्हिटॅमिन डीची (Vitamin D Deficiency) सामान्य पातळी असलेल्या लोकांपेक्षा दुप्पट असतो. हा अभ्यास युरोपियन हार्ट जर्नलमध्ये (European Heart Journal) प्रकाशित झाला आहे. Cardiovascular disease (CVD) म्हणजेच हृदय व रक्तवाहिन्यासंबंधी रोग हे जगभरातील लोकांच्या मृत्यूचे एक प्रमुख कारण आहे. या आजारांमुळे दरवर्षी सुमारे 1.79 कोटी लोकांचा मृत्यू होतो.
अभ्यास कसा झाला?
या अभ्यासात सहभागी असलेल्या 55 टक्के लोकांमध्ये व्हिटॅमिन डीची पातळी 50 नॅनोमोल्स प्रति लिटर (nmol/lit) पेक्षा कमी असल्याचे आढळून आले.
तर 13% सहभागींमध्ये गंभीर कमतरता आढळून आली (25 nmol/lit पेक्षा कमी).
तसे, व्हिटॅमिन डीची सामान्य पातळी 50 nmol/ Lit मानली जाते.
त्याची कमतरता भारतातील सुमारे 80-90 टक्के लोकांमध्ये आढळते.
संशोधकांनी ऑस्ट्रेलियातील 23%, यूएसमधील 24% आणि कॅनडातील 37% लोकांमध्ये व्हिटॅमिन डीची कमतरता असल्याचा समोर आले आहे.
हृदयाच्या आरोग्याची काळजी घ्या !
युनिव्हर्सिटी ऑफ साऊथ ऑस्ट्रेलियाच्या प्रमुख संशोधक प्रोफेसर एलिना हायपोनेन म्हणतात की,
व्हिटॅमिन डीची (Vitamin D) कमतरता दूर करून, हृदय व रक्तवाहिन्यासंबंधीचे आजार जगभरात कमी केले जाऊ शकतात.
त्यांच्या मते, व्हिटॅमिन डीची तीव्र कमतरता अत्यंत दुर्मिळ आहे.
परंतु अशा टंचाईच्या भागात सक्रियपणे पावले उचलून हृदयाच्या आरोग्यावर होणारे नकारात्मक परिणाम टाळता येऊ शकतात.
प्रोफेसर एलिना हायपोनेन म्हणतात, ‘व्हिटॅमिन डीचा सर्वोत्तम स्त्रोत सूर्यप्रकाश असला तरी तो मासे, अंडी, फोर्टिफाइड फूड आणि काही डिंकमध्येही आढळतो.
पण अन्नपदार्थांमध्ये ते फार कमी प्रमाणात आढळते. अशा परिस्थितीत सूर्यप्रकाश अधिक महत्त्वाचा असतो.
अभ्यासातून असे समोर आले आहे की, जर व्हिटॅमिन डीची पातळी सामान्य केली तर हृदय व रक्तवाहिन्यासंबंधीच्या आजारात 4.4 टक्के घट होऊ शकते.
Web Title :- Vitamin D Deficiency | vitamin d deficiency doubles the risk of heart disease and high blood pressure study
Benifits of Ginger | 30 दिवसांपर्यंत आल्याचं सेवन केल्यास हे आजार दूर होतात, जाणून घ्या