आरोग्यनामा ऑनलाईन टीम – पदार्थाला रंग आणि चव देणारी हळद (Turmeric) प्रत्येक स्वयंपाक घरात वापरली जाते. शिवाय, तिच्यातील औषधी गुणधर्मामुळे अनेक आजारावर ती गुणकारीदेखील आहे. यातील क्यूमिन सारखे अनेक औषधी घटक असल्याने गंभीर आजारांपासून बचाव होतो. हळद (Turmeric) इतर औषधी पदार्थांसोबत वापरल्यास त्याचे फायदे आणखी वाढतात. याविषयी माहिती घेवूयात.
१) जखम
अर्धा चमचा हळद, थोडा चुना, एक चमचा मधामध्ये मिसळून लावा. हळदीचे दूध नियमित प्या.
२) घशात वेदना
एक ग्लास कोमट पाण्यात अर्धा चमचा हळद आणि चिमुटभर मीठ मिसळून गुळण्या करा. हळदीचे दूध प्या.
३) त्वचारोग
एक चमचा खोबरेल तेलात अर्धा चमचा हळद मिसळून नियमित लावा.
४) सांधेदुखी
अर्धा चमचा हळदीमध्ये दोन चमचे अद्रकचा रस मिसळून गरम करा. हे वेदनेच्या ठिकाणी लावा.
५) खोकला
अर्धा चमचा हळदमध्ये पाच मिरे बारीक करून हे कोमट दुधासोबत घ्या. मधसुद्धा घेऊ शकता.
६) मजबूत हाडे
अर्धा चमचा हळद अर्धा ग्लास कोमट दुधामध्ये मिसळून झोपण्यापूर्वी प्या.
७) मजबूत हिरड्या
अर्धा चमचा हळद, चिमुटभर मीठ आणि एक चमचा मोहरीचे तेल मिसळून हिरड्यांची मालिश करा.
८) चमकदार दात
अर्धा चमचा हळदीमध्ये अर्धा चमचा खाण्याचा सोडा मिसळून दात घासा.
९) सर्दी-पडसे, ताप
एक चमचा शुद्ध तुपामध्ये अर्धा चमचा हळद भाजून घ्या. हे मिश्रण मधामध्ये मिसळून खा.
१०) जखम
जखमेवर अर्धा चमचा भाजलेली हळद आणि मध लावा.
Weight Loss Tips | डाएटमध्ये ‘या’ 5 आयुर्वेदिक गोष्टींचा करा समावेश, वेगाने कमी होईल पोटाची चरबी
Super Healthy Seeds | अनेक आजारांना आपल्यापासून दूर ठेवतात ‘या’ 6 बिया, जाणून घ्या त्यांचे फायदे