आरोग्यनामा ऑनलाईन – यूरिनरी ट्रॅक्ट इन्फेक्शन (यूटीआय) ही महिलांमध्ये सर्वाधिक आढळून येणारी समस्या आहे. यामुळे अनेक आजार बळावू शकतात. यासाठी आहारामध्ये काही बदल करणे गरजे आहे. असे काही हेल्दी पदार्थ आहे ज्यामुळे महिलांच्या गुप्तांगाचे आरोग्य उत्तम राखण्यासाठी मदत होते. दही हे यासाठी अतिशय उत्तम असते. यामध्ये प्रोबायोटिक्स असल्याने यूटीआय, यीस्ट इन्फेक्शन आणि बॅक्टेरियल व्हजायनोसिसपासून बचाव होतो. दह्यामधील कॅल्शिअममुळे पीएमएसचा त्रास कमी होतो. तसेच हा त्रास टाळण्यासाठी शरीर आतून स्वच्छ ठेवले पाहिजे. यासाठी मुबलक प्रमाणात पाणी प्यावे. स्वतःला जास्तीत जास्त हायड्रट ठेवल्याने व्हजायनल एरिया लूब्रिकेटेड राहण्यास मदत होते.
दररोज सफरचंद खाल्याने महिलांचे लैंगिक आरोग्य उत्तम राहेते. सेक्शुअल सॅटिस्फॅक्शन, उत्तेजना आदीचा यामध्ये समावेश आहे. महिलांनी दररोज दोन किंवा त्यापेक्षा जास्तवेळा फ ळांचे सेवन केल्यास यूटेराइन फायब्रॉइडची शक्यता ११ टक्क्यांनी कमी होते. तसेच ग्रीन टीचेही सेवन केले पाहिजे. ग्रीन टीमध्ये पॉलिफिनॉलिक कॅचीन्स असल्याने इ-कोली बॅक्टेरिया नष्ट होतात. या बॅक्टेरियांमुळे महिलांना यूटीआयचा (मुत्रमार्गातील संसर्ग) त्रास होतो. ग्रीन टीमधील कॅफेनमुळे मँस्टुअल सिंड्रोमच्या लक्षणांपासून आराम मिळतो. भाज्या, लेग्यूम्स आणि व्होल ग्रेन फायबर रिच होतात. हे सर्व व्हजायनल हेल्थसाठी अत्यंत फायदेशीर आहे. फायबर आतड्यांमधील चांगले बॅक्टेरिया वाढविण्यासाठी मदत करतात. व्हजायना हेल्दी ठेवण्यासाठी पोटाचे आरोग्य उत्तम राखले पाहिजे.
