पॉवर योगा अष्टांग योगाभ्यासाप्रमाणे केला जातो. हा योगाभ्यास सकाळच्या वेळी केल्यास विविध फायदे होतात. तो आठवड्यातून २ ते ३ वेळा ४५ मिनिटांसाठी करू शकता. यामुळे शरीर निरोगी राहते शिवाय अतिरिक्त चरबी देखील कमी होते. पॉवर योगा केल्याने मसल्स मजबूत होऊन चरबी सुद्धा कमी होते.अनेक योगाभ्यासांमध्ये आसन आणि श्वासाच्या प्रक्रियेवर लक्ष केंद्रीत केले जाते. पण पॉवर योगात क्रियांवर लक्ष केंद्रीत केले जाते. पॉवर योगाने शरीरातील कॅलरी कमी करण्यास मदत मिळते.
पॉवर योगाचा शोध श्री पट्टाभि जॉइस आणि दोन अमेरिकन योग शिक्षकांनी लावला. पॉवर योगाची सुरूवात १९९० मध्ये झाली. या तिघांनीच योगप्रकार पाश्चिमात्य विद्यार्थ्यांमध्ये रूजवला. या योगप्रकारामुळे भरपूर घाम येतो. घामामध्ये टॉक्सिनचे प्रमाण अधिक असल्याने मोठ्याप्रमाणात टॉक्सिन शरीरातून बाहेर जातात. पॉवर योगामुळे शरीरात रक्तप्रवाह योग्यरितीने होतो. शरीराचा अनेक रोगांपासून बचाव होतो.अस्थमा, अर्थरायटिस, डिप्रेशन, डायबिटीस आणि हायपरटेंशसारख्या आजारांपासूनही या योगाभ्यासाने बचाव होऊ शकतो. शिवाय मानसिक आरोग्यही चांगले राहते.
