आरोग्यनामा ऑनलाईन टीम – बाळामध्ये २१ नंबरचा क्रोमोसोम(गुणसूत्र) दोनच्या ऐवजी तीन जोड्या निर्माण झाल्याने डाउन्स सिंड्रोम असलेले बाळ जन्माला येते. बाळाची वाढ खुंटणे, मतिमंदत्व हे या आजाराचे मूळ लक्षण आहे. डाउन्स सिंड्रोमचे विशिष्ट असे कारण नाही, पण आईच्या वाढत्या वयाबरोबर डाउन्स सिंड्रोमचे प्रमाण वाढते तसेच आईचे वय ३५ असल्यास याची शक्यता जास्त वाढते.
डाउन्स सिंड्रोमची लक्षणे
गोल चेहरा,
मागून चपटे डोके,
विशिष्ठ प्रकारचे आडवे डोळे,
चपटे नाक,
मोठ्या आकाराची जीभ,
डोळ्यांमध्ये बुबुळ,
छोटी मान,
मानेवर अधिक प्रमाणात त्वचा,
कमी उंची, छोटे हात,
पायाची व हाताची विशिष्ठ प्रकारची ठेवण,
चिडचिडेपणा
डाउन्स सिंड्रोमचे परिणाम
डाऊन सिंड्रोममुळे जन्मजात हृदयाच्या व्याधी,आतडयाच्या व्याधी, मानेच्या हाडांची कमजोरी यांसारखे आजारही होतात.
डाउन्स सिंड्रोमच्या रुग्णांसाठी सर्वात त्रासदायक म्हणजे समाज त्यांना लवकर स्वीकारत नाही. त्यांच्या चिडचिडेपणामुळे त्यांना शाळेत प्रवेश मिळत नाही. डाऊन सिंड्रोम असलेले सहसा मज्जा-मस्ती, गाणे यात रमणारे असतात. पण मध्येच त्यांचा स्वभाव खूप रागीट होतो.
डाऊन सिंड्रोम टाळण्यासाठी उपाय
डाऊन सिंड्रोम टाळण्यासाठी गरोदर स्रीयांचे १५ ते १६ आठवड्यांदरम्यान अल्फा फिटो प्रोटीन इस्ट्रिऑल व एच.सी.जी.च्या तपासण्या करून १६ आठवड्यातच निदान होऊ शकते. याला ट्रिपल टेस्ट म्हणतात. तसेच १८ ते २० आठवड्यात सोनोग्राफीच्या माध्यमानेही तपासण्या करून याचे निदान होऊ शकते. जर पालकांनी, शिक्षकांनी तसेच समाजानेही त्यांना समजून घेतले तर डाउन्स सिंड्रोम असलेले मूल चांगले आयुष्य जगू शकतात. तसे पाहता २ डी इको, मानेचा एक्सरे, थॉयराइडची वेळोवेळी तपासणी यांद्वारे डाऊन सिंड्रोम बरा होऊ शकतो. तसेच फिजिओथेरेपी यांद्वारेही डाऊन सिंड्रोम बरा होतो.