आरोग्यनामा ऑनलाइन टीम – रात्री नीट झोप चांगली लागत नसल्यास झोपण्यापूर्वी काही फळे खावीत. यामुळे लवकर आणि आरामदायी झोप येते. जास्त थकलेले असतानाही नीट झोप येत नसल्यास काहीजण झोपेच्या गोळ्या घेतात. या गोळ्यांचा शरीरावर विपरीत परिणाम होतो. त्याऐवजी रात्री झोपण्यापूर्वी काही खास फळे खाल्यास चांगली झोप येऊ शकते.
एक आठवडाभर दोन वेळा चेरीचा रस घेतल्यास झोपण्याचा कालावधी २५ मिनिटांपर्यंत वाढू शकतो. यात एल-ट्रायप्टोफेन आढळते. जो सेरोटोनिन हार्मोन्स तयार करते. सेरोटोनिनने शरीराला आराम मिळतो आणि झोप येण्यास मदत होते. सेरोटोनिनने शरीरातील स्नायूमध्ये ऑक्सिजन सहज पोहोचतो आणि स्नायूंना आराम मिळतो. तसेच पॅशनफ्रुट टी घेतल्यास झोप चांगली येते, असे संशोधकांना दिसून आले आहे. पॅशनफ्रूटमधील केमिकल हार्मन एल्कालॉइडस व्यक्तीच्या नर्वस सिस्टिमवर परिणाम करून झोप येण्यात मदत करतो. दररोज झोपण्यापूर्वी पॅशनफ्रूट टी पिल्याने शरीराला आराम मिळतो. तसेच चांगली झोप येते.
गामा एमिनोब्यूट्रिक अँसिड शरीरातील मज्जारज्जू प्रणालीला आराम मिळू देत नाही. जीएबीएला कमी करण्यासाठी ग्लुटेमिक अँसिडचे सेवन करावे. हे अ‍ॅसिड चायनीज फूडमध्ये वापरले जाते. रात्री थोड्या प्रमाणात शाकाहारी-मांसाहारी चायनीज पदार्थ खाल्ल्यास चांगली झोप येण्यास मदत होते. तसेच खजुरात एल-ट्राइप्टोफेन नावाचा घटक असतो. तसेच साखरदेखील असते. हे दोन्ही पदार्थ एकत्र येऊन शरीराला आराम देतात. यामुळे चांगली झोप येते. दररोज रात्री झोपण्याच्या एक ते दोन तास आधी दोन खजूर खाल्ल्याने चांगली झोप येते.
काबुली चण्याच्या चटणीत थोड्या मसाल्यांसोबत काही प्रमाणात तीळ मिसळलेले असतात. यात मुबलक प्रमाणात एमिनो अँसिड असते. हा घटक झोप येण्यासाठी उपयोगी आहे. या चटणीत काही मसाले मिक्स केल्याने यात झोप येण्यासोबत चव वाढणारे घटकदेखील असतात.
