आरोग्यनामा ऑनलाइन टीम – किडनी हा शरीरातील अतिशय महत्वाचा अवयव आहे. यामध्ये काही बिघाड झाल्यास त्याचे शरीरावर अतिशय वाईट परिणाम दिसून येतात. किडनीचे आरोग्य धोक्यात येण्याची विविध कारणे आहेत. अलिकडे किडनी फेल होण्याचे प्रकार मोठ्याप्रमाणात वाढले आहेत. किडनी फेल्यूअर म्हणजे दोन्ही किडनींनी काम करणे बंद करणे होय. ही समस्या टाळायची असेल तर योग्य ती काळजी घेतली पाहिजे. याची लक्षणे आणि कारणे माहिती असल्यास तुम्ही या आजारापासून दूर राहू शकता.
ही आहेत कारणे
१) अतिधुम्रपान, मद्यपान
२) जास्त प्रमाणात मीठ सेवन करणे
३) मानसिक ताण-तणाव
४) रक्तात साखरेचे प्रमाण वाढणे
ही आहेत लक्षणे
* लघवी करताना जळजळ होणे
* फेसाळ लघवी होणे
* शरीरात सूज निर्माण होते
* रक्तामध्ये युरियाचे प्रमाण वाढल्याने त्वचेचे विकार, तोंडाची दुर्गंधी, मळमळ होण
* शरीरात टॉक्सिन्स वाढल्याने हाडे व सांधेदुखी होणे.
* रक्तात ऑक्सिजनचा पुरवठा योग्य न झाल्याने थकवा आणि कमजोरी येणे
* लघवी करताना रक्त येणे
* लघवी करताना त्रास होणे
* जास्त लघवी होणे
अशी घ्या काळजी
* संतुलित आहार घ्या.
* मद्यपान, धुम्रपान, जंकफूड टाळा.
* भरपूर पाणी प्या.
* आहारामध्ये मीठ आणि साखर कमी घ्या.
* नियमित व्यायाम करा.
(टिप : वरील सर्व समस्या आम्ही फक्त माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येक व्यक्तीची शारीरिक क्षमता वेगवेगळी असते. त्यामुळे उपाय करण्यापुर्वी तज्ज्ञांचा सल्ला घेणे फायदेशीर ठरते.)