आरोग्यनामा ऑनलाइन टीम – लहानपणातील गुटगुटीतपणा पुढील आयुष्यात काळजीची बाब होऊ शकते. सध्या लठ्ठपणामुळे होणारी मृत्यूसंख्या आणि आर्थिक हानी ही अनेक पटींनी वाढली आहे. लठ्ठपणामुळे पुढे मधुमेह, रक्तदाब आणि हृदयरोग होऊ शकतात. लहान वयातील लठ्ठपणाचे पुढे कोणते दुष्परिणाम होतात, याबाबत माहिती घेवूयात.
हे लक्षात ठेवा
1) वयाच्या पाच ते दहा वर्षांमध्ये जी मुले लठ्ठ होतात, ती टीनएज आणि पौगंडावस्थेमध्येही लठ्ठ राहतात.
2) लठ्ठपणा येण्याचे प्रमाण हे मुले आणि मुलींमध्ये सारख्या प्रमाणात दिसून येते.
3) खाण्यापिण्याच्या सर्वसाधारण सवयी हा एक मोठा घटक लठ्ठपणास कारणीभूत असतो.
4) लठ्ठ मुलींमध्ये वयाच्या आधीच अगदी नवव्या-दहाव्या वर्षी पाळी सुरू होणे, नको त्या ठिकाणी अनावश्यक केसांची वाढ होणे, पाळी अनियमित येणे, योग्य बीजांडे निर्माण न होणे ही लक्षणे दिसतात.
5) लठ्ठ मुलांमध्ये छातीची वाढ मुलीप्रमाणे होणे, योग्य पद्धतीने दाढी-मिशांची वाढ न होणे ही लक्षणे दिसून येतात.
6) वजनाचा परिणाम होऊन वाढत्या वयामध्ये हाडांची अवेळी झीज, सांध्यांची अयोग्य किंवा अपुरी वाढ आणि विशेषकरून पायांच्या सांध्यांमध्ये होणारे बदल हे दीर्घकाळ परिणाम करणारे ठरतात.
7) शारीरिक, मानसिक आणि भावनिक स्तरावर अतिशय गुंतागुंतीच्या घडामोडी या वयात घडत असतात. लठ्ठ मुलांमध्ये कायम खंतावलेले आणि नकारात्मक व्यक्तिमत्त्व निर्माण होण्यासाठी कारणीभूत ठरतात.
हे 7 उपाय करा
1) वरील लक्षणे आढळल्यास डॉक्टरकडे जाऊन योग्य उपचार घ्या.
2) आहारात हिरव्या पालेभाज्या घ्या.
3) कमी अन्न प्रक्रिया केलेले पदार्थ सेवन करा.
4) आहारात प्रथिनांचा पुरेसा पुरवठा असावा. यामुळे चरबीवर नियंत्रण राहते.
5) दर महिन्याला वजन पाहून आहार नियंत्रित करा.
6) पिष्टमय पदार्थ, तेल-तूप, साखर, मीठ यांचे प्रमाण कमी करा.
7) मैद्याच्या पदार्थांचे सेवन टाळा. गव्हाचे पदार्थ खा.
(टिप : वरील सर्व समस्या आम्ही फक्त माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येक व्यक्तीची शारीरिक क्षमता वेगवेगळी असते. त्यामुळे उपाय करण्यापुर्वी तज्ज्ञांचा सल्ला घेणे फायदेशीर ठरते.)