आरोग्यनामा ऑनलाईन- कॅनोला तेलाला पांढरी मोहरी देखील म्हणतात.ऑलिव्ह ऑइलसारखे आरोग्यासाठी या तेलाचे फायदे आहेत. एका संशोधनानुसार दररोज दोन चमचे कॅनोला तेल घेतल्यास हृदय निरोगी राहते. दोन आठवड्यांसाठी आहारात घेतल्यास चरबी १.६ टक्क्यांनी कमी होते. पांढर्या मोहरीच्या तेलाचे इतर फायदे जाणून घ्या.
१)साखर नियंत्रण(Sugar control)
एका संशोधनानुसार कॅनोला तेलामध्ये साखरेचे प्रमाण खूप कमी असते. म्हणूनच, हे मधुमेहवर्धक घटक प्रतिबंधित करते. यामुळे मधूमेहामधील रक्तातील साखर नियंत्रित करते.
२) फॅट्स कमी करणे
इतर खाद्यतेलांच्या तुलनेत या तेलात कमी फॅट्स असतात. यात ७ टक्के, ऑलिव्हमध्ये १५ टक्के आणि सूर्यफूल तेलामध्ये १२ टक्के असतात.
३)आरोग्यदायी हृदय
या तेलात अलसी बियाण्यापेक्षा ओमेगा -३ आणि ६ फॅटी ॲसिड जास्त आढळतात. बर्याच संशोधनात असे निष्कर्ष समोर आले आहेत की या फॅटी ॲसिडमुळे रक्तदाब, कोलेस्ट्रॉल इत्यादी हृदयरोगाचा धोका वाढविणार्या घटकांवर नियंत्रण ठेवतात. अशा परिस्थितीत हृदयाशी संबंधित आजार होण्याचा धोका कमी असतो.
४)जीवनसत्त्वे
व्हिटॅमिन-के आणि व्हिटॅमिन ई या तेलामध्ये असतात. व्हिटॅमिन-ई त्वचेला चमकदार बनवते आणि रोग प्रतिकारशक्ती वाढवते. रक्त गोठण्यासाठी व्हिटॅमिन-के आवश्यक आहे. हे शरीरात अँटीऑक्सिडेंट म्हणून देखील कार्य करते.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.