आरोग्यनामा ऑनलाइन टीम – सिगारेट ओढणे हे शरीरासाठी अतिशय धोकादायक आहे. सिगारेटमध्ये ७००० केमिकल्स असतात. यापैकी ६९ केमिकल्स जास्त हानिकारक असतात. यामुळे गंभीर आजार होतात. या केमिकल्समुळे शरीराच्या विविध भागांवर दुष्परिणाम दिसून येतो. यातील निकोटिन शरीराला स्मोकिंग अॅडिक्ट बनवते. हे जीवघेणे धोके टाळायचे असतील तर सिगारेटचे व्यसन सोडणे हाच चांगला पर्याय आहे. अन्यथा कर्करोग, हृदयरोग, फुफ्फूसाचे आजार, किडनीचे आजार होऊ शकतात. सिगारेटच्या व्यसनामुळे शरीराच्या कोणकोणत्या भागावर वाईट परिणाम होतात, याची माहिती घेवूयात.
मेंदू
यामुळे मेंदूचा कॉर्टेक्सचा भाग पातळ होतो. स्मरणशक्ती कमजोर होते.
तोंड
यातील केमिकल्समुळे लाळ सुकणे, कॅविटी, दात कमजोर होणे, अशा समस्या होतात.
फुफ्फूस
नियमित सिगारेट प्यायल्याने फुफ्फूसात टार जमा होते. यामुळे फुफ्फूसाचा कँसर होण्याची शक्यता नव्वद टक्के वाढते.
हृदय
यामुळे रक्तदाब वाढतो, आणि हार्टअटॅक येण्याची शक्यता वाढते.
डोळे
डोळ्यांचा ओलावा संपतो. मोतीqबदूसारखी समस्या होते.
हाडे
यातील निकोटीनमुळे हाडे कमजोर होतात.
किडनी
रक्ताभिसरण कमी झाल्याने किडनी खराब होण्याची शक्यता ५१ टक्क्यांनी वाढते.
डीएनए
सिगारेटमधील फेनानथरेन हे तत्व रक्तात मिसळून डीएनएचे नुकसान करते. यामुळे कँसर होण्याची शक्यता वाढते.