आरोग्यनामा ऑनलाइन टीम – आपण घोरतो हे आपल्याला अन्य लोक सांगतात. कारण, ही समस्या झोपेत होत असल्याने आपल्याला समजत नाही. अनेकजण झोपेत एवढ्या मोठ-मोठ्याने घोरतात की आजूबाजूच्या लोकांचीही झोप खराब होते. अशा घोरण्याकडे दुर्लक्ष करू नये. झोपेत घोरण्याची सवय असेल तर याकडे गांभीर्याने पाहिले पाहिजे. या सवयीला स्लीप अॅप्निया असे म्हणतात. हा एक प्रकारचा झोपेचा आजार म्हणजेच स्लीप डिसऑर्डर आहे. हा अनेक आजारांचा संकेतही असू शकतो.
घोरण्याची समस्या लठ्ठ लोकांना जास्त असली तरी ती ४० वर्षांनंतरच होते. अनेकवेळा गळा, टॉन्सिल्स, जिभेचा आकार मोठा होणे, जबड्याचे हाड लहान होणे, आनुवंशिकता, सायनस किंवा अँलर्जीमुळे नाक बंद होणे, यामुळे वयाच्या चाळीशीपूर्वीच ही समस्या जाणवते.
झोपेत वरचेवर श्वास अडखळल्यास मेंदूला पुरेसा ऑक्सिजन मिळत नाही. यामुळे पुरेशी झोप होत नाही. दुसèया दिवशी दिवसभर थकवा जाणवतो. आळस जास्त प्रमाणात राहिल्याने शरीर दमल्यासारखे राहते.
यामुळे उच्च रक्तदाब, अनियमित हृदयगती, हृदय रोग किंवा पक्षाघाताचा धोका वाढतो. या समस्या दूर करण्यासाठी नियमित व्यायाम करावा. वजन नियंत्रणात ठेवणे हा यावरचा सर्वात चांगला उपाय आहे. त्याच प्रमाणे रात्रीच्या वेळी अल्कोहोल सेवन आणि धूम्रपान करू नये. वेळेवर झोपणे आणि लवकर उठावे. जेव्हा झोपेत श्वास घेण्याची प्रक्रिया बाधित होते तेव्हा त्याला स्लीप अॅप्निया म्हणजेच घोरण्याची समस्या म्हणतात. श्वासनलिका चोक झाल्यामुळे हा आवाज ऐकू येतो.
अशावेळी श्वास काही सेकंदांपर्यंत थांबू शकतो. ही प्रक्रिया एका तासात ३० वेळा किंवा यापेक्षा जास्त असू शकते. हे अनेक बाबतीत घातक आहे. गळ्याचे टिश्यू किंवा नाकाचे टिश्यू खूप जास्त जास्त असल्याने व्यक्ती घोरते. नाकातून किंवा तोंडातून हवा सहजपणे येऊ शकत नसल्याने घोरण्याचा आवाज येतो. झोपण्याची चुकीची पद्धत किंवा गळ्याचे कोमल टिश्यूज असामान्य होणे इत्यादी अनेक कारणांमुळे श्वासनलिका अरुंद किंवा बाधित होऊ शकते.