आरोग्यनामा ऑनलाईन- सध्याच्या काळात प्रत्येकाला सुंदर दिसण्याची इच्छा असते. लोक यासाठी सर्व काही करतात. तथापि, खराब दिनक्रम, चुकीचा आहार आणि तणावामुळे अनेक रोग उदयास येत असतात, ज्याचा आरोग्यावर आणि सौंदर्यावर विपरित परिणाम होतो. चेहऱ्याचे सौंदर्य विशेषतः डाग, ठिपके आणि सुरकुत्यांमुळे नाहीसे होते. वृद्धावस्थेत सुरकुत्या पडणे हे सामान्य असते, परंतु लहान वयातच सुरकुत्या पडणे हा चिंतेचा विषय असतो. त्याकडे दुर्लक्ष करू नका, तर (Say goodbye)त्याला गांभीर्याने घ्या. तज्ज्ञांच्या मते, सुरकुत्यांपासून मुक्त होण्यासाठी आपली दिनचर्या आणि आहारात विशेष सुधारणा करा. जर तुम्हीही सुरकुत्यांमुळे चिंतेत असाल तर या 4 गोष्टींच्या मदतीने सुरकुत्यांना कायमस्वरूपी गुड बाय(Say goodbye) म्हणू शकता. कसे ते जाणून घेऊया…
लिंबू
लिंबूमध्ये व्हिटॅमिन-सी असते जे त्वचेसाठी वरदान ठरते. व्हिटॅमिन-सी एस्कॉर्बिक अॅसिड म्हणूनदेखील ओळखले जाते. त्याच्या सेवनामुळे कोलेजन रिस्टोर होत असतो. तज्ज्ञांच्या मते, वाढत्या वयात त्वचेपासून कोलेजन कमी होण्यास सुरुवात होते. यासाठी 10-15 मिनिटांसाठी आपल्या त्वचेवर लिंबाचा रस लावावा. तथापि, चेहऱ्यावर लावण्यापूर्वी आपल्या हातांवर त्यास चेक करून घ्या. जर त्वचेला खाज सुटत असेल तर त्यास चेहऱ्यावर लावू नका. लिंबू त्वचेवर उपस्थित जीवाणू नष्ट करण्यासदेखील सक्षम आहे. यासाठी सकाळी रिकाम्या पोटी लिंबाचा रस घ्या. आपली इच्छा असेल तर आपण दिवसभर लिंबूपाण्याचे सेवन करू शकता.
ग्रीन टी
ग्रीन टी त्वचेसाठी फायदेशीर असते. यात अँटी-ऑक्सिडेंट गुणधर्म आहेत जे सुरकुत्या दूर करण्यास उपयुक्त असतात. तसेच ग्रीन टीमध्ये व्हिटॅमिन-बी 2 आढळते, ज्याला रीबोफ्लेविनदेखील म्हणतात. रिबॉफ्लेविन त्वचेच्या पेशी नवीन बनविण्यास मदत करते. चेहऱ्याचे सौंदर्य टिकवण्यासाठी नवीन पेशी आवश्यक असतात. यासाठी आपण ग्रीन टी वापरू शकता. याव्यतिरिक्त आपण आपल्या डोळ्यांवर टी बॅग्स ठेवू शकता. यासाठी एका भांड्यात टी बॅग्स उकळवून घ्या. यानंतर टी बॅग्स थंड होण्यासाठी फ्रीजमध्ये ठेवा. जेव्हा बॅग्स थंड होतील तेव्हा त्यांना डोळ्यांवर 5 ते 10 मिनिटांसाठी ठेवा.
कॉफी
कॉफी त्वचेसाठी खूप फायदेशीर असते. कॉफीच्या सेवनाने त्वचेचे सौंदर्य वाढते. कॉफी फ्री रॅडिकल्सपासून त्वचेचे रक्षण करते. यामुळे सुरकुत्या दूर होण्यास मदत होते. तथापि, एक गोष्ट लक्षात घेतली पाहिजे की कॉफी थेट चेहऱ्यावर लावू नका, तर कॉफीची पेस्ट बनवून त्याचा वापर करा. यासाठी कॉफीमध्ये नारळाचे तेल किंवा ऑलिव्ह ऑईल मिसळा आणि त्वचेवर लावा.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.