आरोग्यनामा ऑनलाइन टीम – जेवणासोबत सॅलड घेणे आरोग्यासाठी खूप चांगले असते. यामुळे जेवण कमी जाते आणि वजनही नियंत्रणात राहते. लवकर पोट भरण्याच्या इतर पद्धती म्हणजेच सँडविच, चिप्स यामध्ये मेद असतात. तसेच मोठ्या प्रमाणात कॅलरी असतात. बटाट्याच्या २५० ग्रॅम सॅलडमध्ये ५५० कॅलरी आणि ४५ ग्रॅम फॅट असते. बटाट्यामुळे कार्बोहायड्रेटच्या स्वरूपात ऊर्जा मिळते. त्यापैकी बहुतांश ऊर्जा फॅट्समधून मिळते. कमी कॅलरी असणारे पदार्थ अधिक आरोग्यदायी असतात. यात कांद्याची पात आणि चवीनुसार लिंबू वापरू शकता.
२५० ग्रॅम सीझर सॅलडमध्ये ५५० कॅलरी आणि ४५ ग्रॅम फॅट असते. यापासून कॅल्शियम आणि प्रोटीन मिळते हे याचे वैशिष्ट्य आहे. उकडलेल्या अंड्यांपासून तयार केले जाते. यात लोणीही वापरता येते. हे पारंपरिक सॅलड आहे. त्याशिवाय पत्ता कोबीचा वापरही करता येतो.
२५० ग्रॅम ग्रीक सॅलडमध्ये २३२ कॅलरी आणि १९ ग्रॅम फॅट असते. बकरीच्या दुधापासून तयार केलेल्या पनीरमध्ये कॅल्शियम आणि प्रोटीनचे प्रमाण भरपूर असते. तरीही इतर अनेक पदार्थांच्या तुलनेत यात फॅटचे प्रमाण कमी असते. पण तेलकट पदार्थामुळे या सॅलडच्या फॅटमध्ये वाढ होते. कांद्याचा यात वापर केला जातो. ऑलिव्हमुळे मोनोसॅच्युरेटेड फॅट मिळतात. यात मिठाचे प्रमाण योग्य असते.
२५० ग्रॅम निकॉइस सॅलडमध्ये ४१३ कॅलरी, २१ ग्रॅम फॅट असते. यात काळे मिरे, टोमॅटे, ओवा आणि भरपूर प्रमाणात व्हिटॅमिन सी असते. ट्युना ताजी असेल तर त्यात ओमेगा-३ चे प्रमाणही भरपूर असते. यात ज्वालारोधक तत्त्वे असतात. त्यामुळे रक्ताच्या गाठी बनत नाहीत. हिरव्या फळभाज्या खाल्ल्यानेही हृदयरोगापासून दूर राहता येते.
२५० ग्रॅम टोमॅटो, कैरी, मोजेरेला सॅलडमध्ये ४२५ कॅलरी, ३७ ग्रॅम फॅट असते. या सॅलडमध्ये ऑलिव्हचे तेल वापरले जाते. त्यामुळे हृदयाचे आरोग्य अत्यंत चांगले राहते. दिवसभरासाठी गरजेचे व्हिटॅमिन ईचे प्रमाणही यात भरपूर असते. टोमॅटोमुळे यातून अतिरिक्त अँटिऑक्सिडंट्स मिळतात. हे ब्रेडबरोबर सर्व्ह करता येते. तो संतुलित आहार ठरू शकतो.
२५० ग्रॅम कोलेसलॉ सॅलडमध्ये ३६२ कॅलरी आणि ३१ ग्रॅम फॅट असते. कॅन्सरपासून बचाव करणारी पत्ताकोबी यात असते. हे सॅलड नियमित खाल्ल्याने कॅन्सरची शक्यता दूर होते. यात अंड्याचा पिवळा बलक वापरता येतो. त्यामुळे फॅटचे प्रमाण वाढते. तसेच ४० ग्रॅम इटालियन सॅलडमध्ये १० कॅलरी आणि फॅट अगदी नावापुरते यात केवळ पानांचा वापर केला जातो. यात इटालियन भाज्यांच्या लाल पानांचा वापर केला जातो. यात भरपूर प्रमाणात अँटिऑक्सिडेंट असतात, हे प्रयोगांवरून सिद्ध झाले आहे. ६० ग्रॅम इंग्लिश सॅलडमध्ये १० कॅलरी फॅट केवळ नावापुरते असते. यात अर्धी वाटी काकडी, टोमॅटो, पत्ताकोबी याचा वापर केला जातो. त्यामुळे पोषणही मिळते. सजावटीच्या दृष्टीने सर्वोत्कृष्ट सॅलड आहे.