आरोग्यानामा ऑनलाइन टीम – कँसरचे प्रमाण दिवसेंदिवस वाढत चालले असून भारतात, कोणत्याही वेळी किमान २५ लाख कँसरपीडित रुग्ण आढळतात. त्यात दरवर्षी आठ-नऊ लाख नवीन रुग्णांचे निदान होते. बालकांमध्ये कँसरच्या प्रमाणात दरवर्षी मोठी वाढ होत असल्याचे एका अहवालात म्हटले आहे. यासाठी कँसर होऊ नये म्हणून काही प्रतिबंधात्मक उपाय करणे योग्य ठरते.
तर कँसर राहील दूर
नियमित करा व्यायाम
नियमित व्यायामामुळे वजन नियंत्रणात राहते. यामुळे स्तनांच्या, आतड्यांच्या कँसरचा धोका कमी होतो.
लसीकरण
हिपॅटायटीस बी या विषाणूविरुध्दची लस यकृताच्या कँसरपासून बचाव करते. या लसीचे तीन प्राथमिक डोस घेणे गरजेचे आहे.
समतोल आहार
आहारात सर्व डाळी, कडधान्ये, मोड आलेली कडधान्ये, सालीच्या डाळी यांचा समावेश असावा. हिरव्या पालेभाज्या व सर्व प्रकारची फळे तर कोशिंबीर मुबलक खावीत.
व्यसन ठेवा दूर
धूम्रपान व इतर कोणतेही तंबाखूचे व्यसन पूर्णपणे बंद करा. अतिरिक्त प्रमाणात मद्यपानदेखील यकृत व पचनसंस्थेच्या कँसरचा धोका वाढवते.
