मूळव्याधीची ‘ही’आहेत ६ कारणे, हे सोपे ११ उपाय केल्यास मिळेल आराम

आरोग्यनामा ऑनलाइन टीम – गुदद्वाराच्या आतील भागास असलेल्या अशुद्ध रक्तवाहिन्यांचे सूक्ष्म जाळे हे तेथील आवरणासह सैल सुटते. या ठिकाणी हाताला कोंब किंवा मोड लागतो, यास मुळव्याध म्हणतात. यामध्ये वेदना व रक्तस्राव सुद्धा होतो. आहार आणि जीवनशैलीमुळे अनेकांना ही समस्या होते. अनुवांशिक कारणांमुळे सुद्धा ही समस्या होऊ शकते.

ही आहेत कारणे

१ प्रसूतीच्या वेळी गुदमार्ग ताणला जाऊन व्रण होणे.
२ मूळव्याध शस्त्रकर्म करताना चुकीने व्रण होणे.
३ जास्त अतिसार तसेच उष्ण औषधीमुळे जखमा होणे.
४ मलप्रवृत्ती कडक होणे व त्यासाठी लावला जाणारा जोर यामुळे गुद्द्वाराच्या जागी चिरा पडतात आणि हा रोग होतो. हे याचे प्रमुख कारण आहे.
५ पोटात मुरडा येऊन चिकट फेसाळ मलप्रवृत्ती होणे हे प्रवाहिकेचे लक्षण आहे. रुग्णाला किमान ४-५ वेळा शौचास जावे लागते. यामुळे मोठ्या आतड्यासह गुद्द्वाराची जागा अलवार होते, सुजते. परिणामी गुद्द्वाराच्या ठिकाणी जखमा तयार होतात.
६ बहुतांश मूळव्याधीच्या रुग्णांना फिशरचा त्रास असतो. मूळव्याधीची गाठ व मलबद्धता यामुळे फिशर होतात.

हे उपाय करा

१ कडुलिंबाचे पान तुपात भाजून त्यामध्ये थोडा कापूर मिसळा. हे पाईल्सच्या कोंबावर लावा.

२ अर्धा चमचा हरड पावडर रोज कोमट पाण्यासोबत घ्या

३ रूईच्या दुधामध्ये हळद पावडर मिसळून हे कोंबावर लावा. हा रामबाण उपाय आहे

४ मिरपूड आणि काळे जिरे पावडर रोज मधासोबत घ्या

५ दुधी भोपळ्याची पाने बारीक वाटून पाईल्सच्या कोंबावर लावा

६ तुळशीची पाने थोड्या पाण्यासोबत वाटून कोंबावर लावा

७ कारल्याच्या बियांची पावडर मध आणि व्हिनेगरसोबत मिसळून कोंबावर लावा

८ कच्चा कांदा मंद आचेवर भाजून याची पेस्ट लावा

९ चहाच्या पानांची बारीक पेस्ट करून गरम करून लावा

१० मुठभर काळे तीळ एक वाटी दह्यासोबत नियमित खा

११ मेंदीच्या पानांची पेस्ट लावा