हे उपाय करा
* पिंपल, पुरळ आल्यास विड्याची ताजी ८-१० पाने बारीक कुटून २ कप पाण्यात उकळून घ्यावीत. या पाण्याने चेहरा धुतल्यास फरक पडतो. दिवसातून ३-४ वेळेस काही दिवस नियमित हा उपाय केल्यास त्वचेशी संबंधित समस्या दूर होतात.
* रात्री घोरण्याची सवय असल्यास दिवसातून दोन वेळेस विड्याचे कच्चे पान खावे.
* वीर्यस्खलन किंवा शीघ्रपतनाची समस्या असल्यास विड्याच्या पानामध्ये अश्वगंधा चूर्ण टाकून या पानाचे दररोज सेवन करावे.
* या पानांचा रस स्तंभन शक्ती वाढवण्यासही उपयुक्त आहे.
* पायरियाचा त्रास असल्यास विड्याच्या पानामध्ये शेंगदाण्या एवढा कापूर टाकून पान चावून खावे आणि थुकत राहवे. पानाची थुंकी गिळू नये.
* लघवी करताना त्रास होत असेल तर दुधामध्ये विड्याची दोन पानं उकळून ते दुध प्यावे.
* हात किंवा पाय मुडपल्यास विड्याच्या पानावर मोहरीचे तेल लावून हे पान गरम करून मुडपलेल्या जागेवर बांधावे.
* विड्याचे पान मधासोबत खाल्ल्याने शरीराला स्फूर्ती मिळते.
* सर्दी, खोकला आणि ताप असल्यास या पानांचा वापर करवा. हळकुंडाचा तुकडा थोडासा गरम करून पानामध्ये टाकून खावा.
* १५ पाने तीन कप पाण्यामध्ये उकळून घ्यावीत. उकळलेल्या पाण्यामध्ये मध टाकून हे पाणी पिल्यास जुना कफ बाहेर पडतो तसेच खोकल्यात आराम मिळतो.