आरोग्यनामा ऑनलाइन टीम – Health Tips | या हंगामात सर्दी, खोकला, व्हायरल तापाचे रुग्ण वाढत आहेत. थोडी काळजी आणि इम्युनिटी वाढवणारे घरगुती उपाय केल्यास अनेक आजारांवर मात करता येते, असे डॉक्टर सांगतात. आजीचे पारंपारिक घरगुती उपाय इतके प्रभावी आहेत की त्यांचे सेवन करून शरीर थंडीचा सामना करण्यासाठी तयार होऊ शकते. आयुर्वेदाचे डॉक्टर सांगतात की आले, हळद, जवस, दालचिनी या गोष्टींचा योग्य प्रमाणात वापर केल्यास व्हायरल ताप, सर्दी, खोकला यांसारखे आजार टाळता येतात. इतकेच नाही तर हायपरटेन्शन, हार्ट अटॅक यांसारख्या आजारांपासून बचाव करण्यासाठीही या गोष्टी प्रभावी आहेत. (Health Tips)
जेव्हा तापमान घसरते तेव्हा थंड हवेच्या संपर्कामुळे शरीराचे तापमान देखील झपाट्याने कमी होते. डॉक्टरांच्या मते, अशावेळी रक्त घट्ट होते आणि हार्ट अटॅक आणि ब्लॉकेजची समस्या होते. लसणाच्या २ ते ३ पाकळ्या नियमितपणे सेवन केल्याने, हळद दूध आणि आले यांचे नियमित सेवन केल्यानेही शरीरातील उष्णता कायम राहते. हिवाळ्यात गरम मसाल्यांचे सेवन करणे फायदेशीर ठरते.
डॉक्टरांच्या सल्ल्याने करा उपाय
घरगुती आणि गुणकारी मसाल्यांनी रोग टाळता येतात, परंतु ते ठराविक प्रमाणातच सेवन करावे. जर कोणत्याही गंभीर आजाराने त्रस्त असाल तर हे घरगुती उपाय डॉक्टर आणि आयुर्वेद तज्ञांच्या देखरेखीखाली करा. अन्यथा फायद्याऐवजी त्रास होऊ शकतो. डॉ. सचिन नायक सांगतात की, ठराविक प्रमाणात हळद, आले, लसूण यांचे नियमित सेवन केल्यास हार्ट अटॅक व इतर आजारांपासून बचाव होतो. घरगुती उपचार आणि मसाल्यांच्या मदतीने अनेक समस्यांपासून सहज सुटका होऊ शकते.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Health Tips | Fever, cold-cough! Doctors say – look in the kitchen, it’s easy to avoid diseases and boost immunity
Hypersomnia Symptoms | ८ तास झोपल्यानंतर सुद्धा दिवसा का येते झोप, जांभईपासून अशी होईल सुटका
Amla Benefits | आवळ्याच्या पाण्याने कमी होतो लठ्ठपणा, डोळ्यांची दृष्टी सुद्धा सुधारते