आरोग्यनामा ऑनलाईन टीम – गुळाला आयुर्वेदात खूप महत्त्व आहे. गुळही साखरेसारखा ऊसापासूनच तयार केला जातो, पण तरीही गूळ मात्र साखरेपेक्षा आरोग्यास जास्त फायदेशीर आहे. अनेक व्याधींवर गूळ गुणकारी मानला जातो. दूध आणि गूळ एकत्र करुन पिण्याचे देखील काही महत्वाचे फायदे आहेत. दुधात गूळ मिसळून पिल्यास शरिराच्या अनेक मुलभूत गरजा पूर्ण होतात. गूळ शरिराची पचनक्रिया तंदुरुस्त ठेवण्यास मदत करतो, तर दूध शरिरातील कॅल्शिअम वाढवते.
दूधात गूळ मिसळून पिण्याचे फायदे
रक्त शुद्धीकरणासाठी उपयुक्त – दुधात गूळ मिसळून पिल्यास रक्त स्वच्छ राहण्यास मदत होते. रक्तामध्ये गाठी तयार होणे, रक्त पुरवठ्याचा त्रास होणे, अशा समस्या कमी होतात.
पचनक्रिया सुधारण्यासाठी – पचनक्रिया तंदुरुस्त ठेवण्यासाठी आणि कफ टाळण्यासाठी याचा फायदा होतो.
मासिक पाळीचा त्रास कमी करण्यासाठी – मासिक पाळीचा त्रास कमी करण्यासाठी याचा फायदा होतो.मासिक पाळीचा प्रारंभ होण्याच्या एक आठवडा आधीपासून दररोज दूध आणि गुळाचे सेवन केले पाहिजे.
थकवा आणि अशक्तपणा घालवण्यासाठी – गरोदर महिलांना थकवा आणि अशक्तपणा जाणवल्यास दुधात गूळ मिसळून पिण्याचा सल्ला दिला जातो.
एनिमियाचा त्रास दूर करण्यासाठी – गुळामध्ये आयर्नचा समावेश असतो. तर दूध शरिरातील कॅल्शिअम वाढवते. त्यामुळे सकाळी-सकाळी दूध आणि गुळाचे सेवन सेवन केल्यास एनिमियाचा त्रास दूर होऊ शकतो.
