आरोग्यानामा ऑनलाईन टीम : गरमागरम चहा पिण्याची इच्छा झाली तर आले घातलेल्या चहा जरूर प्या. कारण आल्याचा चहा प्यायल्याने अनेक आरोग्यदायी फायदे होतात. आल्याच्या सेवनाने शरीराला उष्णता मिळते, त्याचप्रमाणे आळसही दूर होतो. आल्याचा चहा प्यायल्याने कोणते फायदे होतात, ते जाणून घेवूयात.
काय आहे आल्यात ?
व्हिटॅमिन ए, सी, ई आणि बी-कॉम्प्लेक्स, मॅग्नेशिअम, फॉस्फरस, आर्यन, झिंक, कॅल्शिअम, बीटा कॅरेटीन, अॅन्टीफंगल गुण, अॅन्टीबॅक्टेरिअल गुण आणि अॅन्टीवायरल गुणधर्म, खनिजे आणि अमिनो अॅसिड.
असा तयार करा
आल्याची साल काढून त्याचे छोटे छोटे तुकडे करा. एका भांड्यामध्ये पाणी घेऊन त्यामध्ये हे आल्याचे तुकडे टाकून उकळून घ्या. पाणी उकळल्यानंतर हे पाणी गाळून घ्या. त्यानंतर त्यामध्ये थोडं लिंबू पिळा. गोड करण्यासाठी तुम्ही त्यामध्ये साखर किंवा मधही मिक्स करू शकता. आरोग्यदायी असा आल्याचा चहा पिण्यासाठी तयार आहे.
आल्याच्या चहाचे फायदे
१ दररोज आल्याचा चहा घेतल्यास भूक लागते. पचनक्रिया सुरळीत होते.
२ सांधेदुखीसारख्या समस्येवर परिणामकारक आहे.
३ हृदय व रक्तवाहिन्यांशी संबंधित समस्या कमी होतात. धमण्यांवर चरबी साचत नाही. हृदयविकाराचा झटका आणि पक्षाघाताचा धोका कमी होतो.
४ शरीराची रोगप्रतिकार शक्ती वाढते. सर्दी-खोकल्यासारख्या आजारांपासून रक्षण होते.
५ शरीरातील रक्तप्रवाह सुरळीत राहतो. ब्लड प्रेशर नियंत्रणात राहते. वात, पित्त आणि कफ या समस्या दूर राहतात.
६ मासिक पाळीतील वेदना दूर होतात.
७ मानसिक तणाव दूर होतो. मेंदूचे आरोग्य चांगले राहते.
Visit : arogyanama.com