आरोग्यनामा ऑनलाईन टीम – दह्याचे सेवन नेहमीच आरोग्यासाठी फायदेशीर मानले जाते. पचनासाठी दही अतिशय उपयोगी आहे. पचनक्रिया योग्य नसेल तर तुम्हाला आरोग्याच्या अनेक समस्या जाणवतात. यावेळी दह्याचे सेवन केल्यास खूप फायदा होतो. अपचन, बद्धकोष्ठता, गॅससारख्या समस्यांपासून दह्यामुळे सुटका मिळते. दह्यामध्ये पचनशक्ती सुधारणारे घटक असतात. दररोज दही खाल्ल्याने हृदयाचे आरोग्य चांगले राहते. तसेच अनेक आजारांपासून बचाव होतो. दह्याचे सेवन दात आणि हांडांच्या आरोग्यासाठीही चांगले आहे. तसेच शरीरातील अतिरिक्त चरबी कमी होते.
दही खाण्याचे फायदे खालीलप्रमाणे :
१) ओवा आणि दही मिसळून खाल्ल्याने पाईल्सशी समस्या दूर होते.
२) अर्धे डोके दुखत असेल तर दही आणि भात त्यावर उत्तम उपाय आहे.
३) दह्यात बडिशेप आणि साखर मिसळून खाल्ल्याने पोटातील जळजळ दूर होते. निद्रानाशेचा त्रास कमी होतो.
४) दही, काळे मीठ, मिरी आणि जिरे हे वजन कमी करण्यासाठी चांगले आहे.
५) दही, साखर आणि ड्रायफ्रुट्स एकत्रित खाल्ल्याने अशक्तपणा दूर होतो.
६) दही-काळे मीठ आणि भाजलेले जिरे एकत्रित करुन सेवन केल्यास भूक वाढण्यास मदत होते. पाचनशक्ती सुधारते.
७) दही आणि मध एकत्रित करुन खाल्ल्यास अँटी बायोटिकप्रमाणे काम करते. हे खाल्ल्याने अल्सरचा त्रास दूर होतो.