आरोग्यनामा ऑनलाइन टीम – बहुतांश सर्वच खाद्यपदार्थांमध्ये हळदीचा वापर केला जातो. हळदीत मोठ्याप्रमाणात औषधी गुणधर्म असल्याने अनेकजण दुध अथवा पाण्यातूनही हळदीचे सेवन करतात. परंतु, काही आजार असलेल्या व्यक्तींनी हळदीचे सेवन हे तज्ज्ञांना विचारूनच केले पाहिजे. तसेच हळदीचे सेवन कसे करावे, याबाबतही जाणून घेतले पाहिजे. अन्यथा त्याचे दुष्परिणाम होऊ शकतात.
हे आहेत दुष्परिणाम
१. गर्भवती स्त्रियांनी स्वयंपाकात जेवढी हळद वापरली जाते तेवढीच खावी. हळदीचे थेट सेवन करू नये. यामुळे अॅलर्जेटिक आजार होवू शकतात.
२. हळदीच्या थेट आणि अती सेवनाने हागवण आणि मळमळ होऊ शकते. योग्यप्रमाणातच हळदीचे सेवन केले पाहिजे.
३. जे पुरूषांनी हळदीचे थेट अती प्रमाणात हळदीचे सेवन केल्यास शुक्राणूंच्या निर्मितीची गती खुंटते. नपुंसकताही येवू शकते.
४. हळदीच्या अती सेवनान अन्नातून लोह शोषून घेण्याची शरीराची क्षमता कमी होते.
५. शस्त्रक्रिया होणार असल्यास हळदीचे थेट सेवन करू नये. रक्त पातळ झाल्याने शस्त्रक्रियेदरम्यान जास्त रक्तस्त्राव होऊ शकतो.
६. हळद सेवन करण्याचे योग्य प्रमाण माहित असायला हवे.
७. हळदीच्या अती सेवनाने रक्त अती पातळ होते. ज्यांना रक्त वाहून जाण्याचा त्रास आहे त्यांनी अती हळद सेवन करू नये.
८. अति हळदीमुळे पोटातील आम्ल हे अन्न नलिकेत जावून पचनाचे विकार उद्भवू शकतात. सांधेदुखीचा त्रास असणारांनी, हाडांच्या वेदना होत असल्यास थेट हळदीचे सेवन करू नये.
९. हळदीमध्ये ऑक्सॅलेट नावाचा घटक असतो. हे ऑक्सॅलेट प्रमाणापेक्षा शरीरात गेले तर पित्ताशयाच्या खड्यांचा ( गॉलस्टोन्सचा) त्रास होतो.
१०. कमी रक्तदाबाचा त्रास असलेल्यांनी थेट हळद सेवन करू नये.
११. हळदीतील ऑक्सॅलेट घटकामुळे किडनी स्टोन होवू शकतात.