आरोग्यनामा ऑनलाईन– मुली त्वचेसाठी महाग उत्पादनांपासून ते घरगुती उपचारांपर्यंत सर्व काही वापरुन पाहतात; परंतु गुडघे, कोपर आणि मान यावर लक्ष देत नाहीत. यामुळे, घाण आणि घामांमुळे ते काळे होण्यास blackness of the neck सुरुवात होते. गुडघे, कोपर आणि मान यांची त्वचा शरीराच्या इतर भागापेक्षा दाट असते, ज्यामुळे ते त्वरीत निर्जीव, कोरडे आणि काळे होतात. कधीकधी आपल्याला याची लाज वाटते.आपण एक उपाय करू शकता ज्यामुळे महिन्याभरात काळेपणा blackness of the neck दूर होईल. तसेच, आपल्याला महागड्या उत्पादनांवर पैसे खर्च करावे लागणार नाहीत.
पॅकसाठी साहित्य
अधिक गरम पाणी – १ चमचा
एलोवेरा जेल – १ चमचा
लिंबू / टोमॅटोचा रस – १ चमचा
दही – १ चमचा
बनविण्याची पद्धत
पाणी अधिक गरम करा आणि त्यात कोरफड जेल घाला. लक्षात घ्या की आपण जेवढे पाणी घेत आहे तेवढेच कोरफड जेल घालावे. आवश्यकतेनुसार आपण कमी अधिक करू शकता. त्याचप्रमाणे दुसऱ्या भांड्यात लिंबाचा किंवा टोमॅटोचा रस आणि दही मिसळा. शक्य असल्यास घरगुती दही वापरा.
१) कोरफड जेल कापूसमध्ये घेऊन मान, कोपर आणि गुडघ्यांची ५-७ मिनिटे मालिश करा. आपण ते चेहऱ्यावर देखील लावू शकता. मालिश केल्यानंतर, काही वेळ तसेच राहू द्या.
२)लिंबू आणि दही मिश्रणाने बाधित भागाची १० मिनिटांसाठी मालिश करून घ्या आणि नंतर ते पाण्याने स्वच्छ करा. आठवड्यातून किमान ३ वेळा असे केल्याने आपल्याला फरक दिसेल.
यापैकी कोणत्याही गोष्टीस सूट नसल्यास …
जर लिंबू, टोमॅटो किंवा कोरफड आपल्या त्वचेला अनुकूल नसेल तर १/२ चमचे दही आणि १/२ चमचे मुल्तानी माती घाला. बाधित भागावर लावा. यामुळे काळेपणा देखील दूर होतो.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.