आरोग्यनामा ऑनलाइन – जंक फूडचं सेवन आरोग्यासाठी फार घातक आहे. जंक फूडच्या जाहीराती पाहून मुलं पालकांकडे जंक फूडसाठी हट्ट धरतात. जंक फूडच्या आकर्षक जाहीराती पाहून मुलांना हे पदार्थ खाण्याची तीव्र इच्छा होते. म्हणूनच अशा जाहीरातीपासून मलांना परावृत्त केलं पाहिजे. मुलांना जंक फूडचे होणारे गंभीर परिणाम समजावून सांगायला हवेत. एका संशोधनानुसार, जंक फूडसंबंधीच्या जाहिरीती दाखवणं कमी केल्यास मुलं तसेच तरूणांमध्ये वाढणाऱ्या लठ्ठपणाचं प्रमाण कमी होतं तसेच मधुमेह, हृदयासंबंधीचे आजार आणि कर्करोग यांच्या प्रमाणातही घट होते, असं दिसून आलं आहे. जागतिक आरोग्य संघटनेच्या मतानुसार, जगभरात लहान मुलांमध्ये जास्त वजनाची समस्या वाढताना दिसत आहे. ही आकडेवारी १९९० मध्ये ३२ दशलक्ष होती. तर १०१६ मध्ये ४१ दशलक्ष इतकी त्यात वाढ झाली आहे.
जंक फूडच्या जाहिराती आणि चुकीच्या खाण्याच्या पद्धती याचा संशोधकांनी अभ्यास केला. यामध्ये ११ ते १९ वयोगटातील ३,३४८ मुलांना खाण्याविषयी आणि जाहिराती पाहण्याविषयी प्रश्न विचारण्यात आले. जी मुलं जंक फूडच्या जाहिराती पाहत होती ती मुलं त्या पदार्थांचं अधिक प्रमाणात सेवन करत असल्याचे या अभ्यासात दिसून आले. जी मुलं दिवसांतून दोन तीन तासांहून अधिक काळ टीव्हीवरील जाहिराती पाहतात त्यांच्या आहाराच्या पद्धती चुकीच्या आहेत. ही मुलं शरारीसाठी योग्य नसलेल्या बिस्किट, फॅटयुक्त पदार्थ, शितपेय इत्यादी जंक फूडचं अधिक सेवन करतात. जंक फूडच्या अतिप्रमाणातील सेवनामुळे मुलांच्या आरोग्यावर गंभीर परिणाम होतो. जर जंक फूडच्या जाहिराती कमी केल्या तर मुलांमध्ये जंकू फूड सेवनाचं प्रमाणही कमी होतं, असं अभ्यासातून स्पष्ट झालं आहे.