लठ्ठपणा टाळायचाय तर जाहिराती पाहू नका

जंक फूडच्या जाहिराती आणि चुकीच्या खाण्याच्या पद्धती याचा संशोधकांनी अभ्यास केला. यामध्ये ११ ते १९ वयोगटातील ३,३४८ मुलांना खाण्याविषयी आणि जाहिराती पाहण्याविषयी प्रश्न विचारण्यात आले. जी मुलं जंक फूडच्या जाहिराती पाहत होती ती मुलं त्या पदार्थांचं अधिक प्रमाणात सेवन करत असल्याचे या अभ्यासात दिसून आले. जी मुलं दिवसांतून दोन तीन तासांहून अधिक काळ टीव्हीवरील जाहिराती पाहतात त्यांच्या आहाराच्या पद्धती चुकीच्या आहेत. ही मुलं शरारीसाठी योग्य नसलेल्या बिस्किट, फॅटयुक्त पदार्थ, शितपेय इत्यादी जंक फूडचं अधिक सेवन करतात. जंक फूडच्या अतिप्रमाणातील सेवनामुळे मुलांच्या आरोग्यावर गंभीर परिणाम होतो. जर जंक फूडच्या जाहिराती कमी केल्या तर मुलांमध्ये जंकू फूड सेवनाचं प्रमाणही कमी होतं, असं अभ्यासातून स्पष्ट झालं आहे.