आरोग्यनामा ऑनलाइन टीम – Diabetes Warning | भारतात गेल्या काही वर्षांत मधुमेहाच्या रुग्णांमध्ये सर्वाधिक वाढ झाली आहे. टाईप 2 मेलिटस हा मधुमेहाचा सर्वात सामान्य प्रकार आहे. टाईप 2 मधुमेह ग्रामीण लोकसंख्येच्या 2.4 टक्के आणि शहरी लोकसंख्येच्या 11.6 टक्के आहे. (Diabetes Warning)
मधुमेहाचे टाईप 1 मधुमेह आणि टाईप 2 मधुमेह असे 2 प्रकार आहेत. टाइप 1 मधुमेहामध्ये, स्वादुपिंड इन्सुलिन अजिबात तयार करत नाही, तर टाइप 2 मधुमेहामध्ये, स्वादुपिंडाद्वारे इन्सुलिन कमी प्रमाणात तयार केले जाते.
मधुमेहामध्ये रक्तातील साखरेची पातळी नियंत्रित ठेवणे खूप महत्वाचे आहे. जेव्हा शरीरात साखरेवर प्रक्रिया करण्याची क्षमता कमी होते किंवा इंसुलिन वापरता येत नाही तेव्हा टाईप 2 मधुमेह होतो. मधुमेह होण्याचे मुख्य कारण म्हणजे अतिरिक्त वजन आणि खराब जीवनशैली. (Diabetes Warning)
अलीकडील संशोधनानुसार, टाईप 2 मधुमेह असलेल्या लोकांना 57 इतर रोगांचा धोका वाढतो. टाईप 2 मधुमेहामुळे कर्करोग, हृदय आणि किडनीच्या आजारांचा धोकाही वाढतो.
संशोधन काय सांगते
केंब्रिज युनिव्हर्सिटीच्या नेतृत्वाखालील आणि डायबिटीज यूकेने केलेल्या या अभ्यासात यूकेमधील 30 वर्षांपेक्षा जास्त वयाच्या 3 दशलक्ष लोकांचा डेटा वापरला गेला. ज्यामध्ये असे आढळून आले की टाईप 2 मधुमेह असलेल्या रूग्णांमध्ये, जे मध्यम वयाचे होते त्यांना 116 पैकी 57 गंभीर आरोग्य स्थिती विकसित होण्याचा धोका जास्त होता.
डायबेटिस यूकेच्या संशोधन संचालक डॉ. एलिझाबेथ रॉबर्टसन यांनी सांगितले की, मधुमेहाची गुंतागुंत गंभीर आणि जीवघेणी असू शकते. या अभ्यासात टाईप 2 मधुमेह असलेल्या मध्यमवयीन लोकांमध्ये खराब आरोग्य आणि रोगांचे प्रमाण तपशीलवार आहे.
संशोधनात असे आढळून आले की टाईप 2 मधुमेह असलेल्या रुग्णांना किडनहच्या आजाराचा धोका 5 पट जास्त असतो,
तर लिव्हरच्या कर्करोगाचा धोका सरासरीपेक्षा 4 पट जास्त असतो.
पीडितांना हृदयविकार आणि डोळ्यांच्या समस्या 8 वर्षे आधी आणि त्याच वयाच्या इतरांपेक्षा 6 वर्षांपूर्वी विकसित झाल्या होत्या.
अभ्यास लेखक डॉ. लुआन म्हणाले, मध्यम वयात खराब आरोग्य टाळण्यासाठी टाईप 2 मधुमेह रोखणे फार महत्वाचे आहे.
खाण्यापिण्याकडे द्यावे लक्ष
मँचेस्टर विद्यापीठाच्या विश्लेषणातून असे दिसून आले आहे
की 2018 आणि 2019 दरम्यान इंग्लंडमध्ये टाईप 2 मधुमेहात 7 टक्के घट झाली आहे.
मधुमेहींना ते काय खातात याकडे विशेष लक्ष देणे आवश्यक आहे, कारण त्यांना त्यांच्या ग्लुकोजची पातळी सामान्य श्रेणीत ठेवणे आवश्यक आहे.
टाईप 2 मधुमेहामध्ये शरीरातील पेशी इन्सुलिनसाठी प्रतिरोधक बनतात, त्यामुळे ब्लड शुगर लेव्हल सामान्य ठेवण्याची जास्त गरज असते.
नॅशनल हेल्थ सर्व्हिसच्या मते, ब्लड शुगरची हाय लेव्हल डायबेटिक केटोआसिडोसिस (DKA) सारख्या जीवघेण्या स्थितीस कारणीभूत ठरू शकते,
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Diabetes Warning | type 2 diabetes increases risk of 57 diseases including killer cancers according to new research
Food For Men | आनंदी वैवाहिक जीवनासाठी पुरुषांनी खाव्यात ‘या’ 3 गोष्टी, होतील जबरदस्त फायदे