आरोग्यनामा ऑनलाईन- तूप आरोग्यासह त्वचेसाठीही खूप फायदेशीर आहे. तूपात असे अनेक गुणधर्म असतात जे त्वचेसाठी फायदेशीर ठरतात. तूप त्वचा सुधारण्यासही मदत करते. हिवाळ्यामध्ये कोरड्या त्वचेची समस्या देखील असते. कोरड्या त्वचेपासून मुक्त होण्यासाठी तुम्ही तूप वापरू शकता.
ओठांसाठी तुपाचा वापर करा
हिवाळ्यात ओठांच्या डागांची, ते तडकण्याची समस्या असणे सामान्य आहे. तूप हे ओठांचे मलम म्हणून वापरू शकता. ओठांवर तूप लावल्यामुळे ओठ बरे होतात.
फाटलेल्या टाचेवर वर तूप लावा
फाटलेल्या टाचेवर तूप खूप फायदेशीर आहे. फाटलेल्या टाचेमध्ये तूप लावल्यास टाचा ठिक होतात. जर तुम्हाला फाटलेल्या टाचा देखील त्रास देत असतील तर दररोज रात्री झोपेच्या आधी तूप लावा.
तूप वापरल्यास चेहर्यावरील सुरकुत्या दूर होतील
तूप वापरल्याने त्वचेवरील सुरकुत्या देखील दूर होऊ शकतात. तुपाचे नियमितपणे सेवन केल्याने त्वचा सुधारते आणि सुरकुत्या सुटतात. त्वचेचा ओलावा टिकवण्यासाठी आपण दररोज तूप आपल्या चेहऱ्यावर लावू शकता.
डोळ्यांची जळजळ आणि सूज दूर होते
डोळ्याभोवती तूप लावल्याने डोळ्यांचा त्रास कमी होतो आणि डोळ्यांची सूज दूर होते. डोळ्यांभोवती तूप नियमितपणे मालिश केल्यास डोळ्यांची चमक देखील वाढते.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.