आरोग्यनामा ऑनलाइन टीम – शरीरात कॅल्शियमच्या कमतरतेमुळे (Calcium Deficiency) तुम्ही अनेक आजारांना बळी पडू शकता. यामुळे मुलांमध्ये मुडदूस (Rickets) आणि प्रौढांमध्ये ऑस्टिओपोरोसिसचा (Osteoporosis) धोका वाढतो. तज्ज्ञांच्या मते, शरीरात कॅल्शियमच्या कमतरतेसाठी, आहाराची काळजी घेणे आणि काही लक्षणे ओळखणे आवश्यक आहे. जर तुम्हाला सतत दातांसंबंधी समस्या होत असतील, थकवा जाणवत असेल, त्वचा कोरडी होत असेल आणि स्नायूत पेटके येत असतील तर ही कॅल्शियमच्या कमतरतेची (Calcium Deficiency) लक्षणे असू शकतात. (Warning Signs Of Calcium Deficiency)
ही लक्षणे ओळखा
जेव्हा शरीरात कॅल्शियमची कमतरता असते तेव्हा या स्थितीला हायपोकॅल्सेमिया (Hypocalcemia) म्हणतात. हायपोकॅल्सेमिया म्हणजे रक्तात कॅल्शियमचे प्रमाण खूपच कमी असते. या स्थितीत पुढील लक्षणे दिसतील-
1. कॅल्शियमच्या कमतरतेमुळे हात आणि पाय सुन्न होऊ शकतात. यामुळे पाय आणि हातांमध्ये मुंग्या येतात.
2. कॅल्शियमच्या कमतरतेमुळे स्नायूत पेटके येणे आणि स्नायू कमकुवत होऊ शकतात.
3. हायपोकॅल्सेमियाचा मेंदूच्या कार्यावरही परिणाम होतो. (effect of hypocalcemia on brain)
4. कॅल्शियमच्या कमतरतेमुळे प्रौढांमध्ये ऑस्टिओपोरोसिसचा धोका वाढतो. यामुळे हाडांची खनिज घनता कमी होते. त्यामुळे हाडे कमकुवत होऊन फ्रॅक्चर होण्याचा धोका असतो. (Calcium Deficiency)
5. त्वचा कोरडी (Dry Skin) पडणे हे देखील शरीरात कॅल्शियमच्या कमतरतेचे लक्षण आहे. अशा स्थितीत त्वचेला ओलावा आणि हेल्दी पीएच (Healthy pH)राखता येत नाही आणि त्वचेत कोरडेपणा येऊ लागतो.
6. कॅल्शियमच्या कमतरतेमुळे दात आणि हिरड्यांशी संबंधित समस्या उद्भवू शकतात.
7. कमी कॅल्शियम पातळीमुळे मुलांना मुडदूस रोग होऊ शकतो. यामुळे हाड मोडण्याची शक्यता असते.
मज्जातंतू, स्नायू आणि हृदयाच्या कार्यासाठी आवश्यक कॅल्शियम
महिलांमध्ये हार्मोनल बदल आणि अनेक अनुवांशिक घटकांमुळे शरीरातील कॅल्शियमच्या पातळीवरही परिणाम होतो. सतत थकवा जाणवणे आणि स्नायूंमध्ये पेटके येणे ही कॅल्शियमच्या कमतरतेची चिन्हे आहेत.
हे शरीराला कॅल्शियमची गरज असल्याचे सूचित करते. कॅल्शियमच्या कमतरतेमुळे दात आणि हाडांशी संबंधित समस्या उद्भवू शकतात. हे सामान्यतः मुलांमध्ये आणि प्रौढांमध्ये दिसून येते. तज्ञांच्या मते, नसा, स्नायू आणि हृदयाच्या योग्य कार्यासाठी देखील कॅल्शियम आवश्यक आहे.
या गोष्टींचा आहारात करा समावेश
कॅल्शियमयुक्त पदार्थ आहारात न घेतल्याने किंवा अॅलर्जीमुळे किंवा कॅल्शियमयुक्त पदार्थांच्या इनटॉलरन्समुळे शरीरात या आवश्यक पोषक घटकांची कमतरता होऊ शकते.
कॅल्शियम हाडांच्या खनिज घनतेसाठी आणि आपल्या दातांच्या आरोग्यासाठी खूप महत्वाचे आहे. दूध, चीज, दही, भेंडी, हिरव्या पालेभाज्या, शेंगा आणि सार्डिन मासे हे कॅल्शियमचे चांगले स्रोत आहेत. या गोष्टींचा आहारात समावेश करा.
टीप – इथं दिलेली माहिती सार्वजनिक जीवनातील मान्यतेवर आधारित आहे. दिलेल्या माहितीच्या आधारे कुठलीही गोष्ट करण्यापुर्वी तज्ज्ञांचा सल्ला घ्यावा. वरील माहितीवरून आम्ही (www.policenama.com) कुठलाही दावा करत नाही.
Web Title :- Calcium Deficiency | warning signs of calcium deficiency