आरोग्यनामा ऑनलाईन- नवी दिल्लीः वृत्तसंस्था: मेंदू हा आपल्या शरीराचा सर्वात महत्वाचा भाग आहे कारण मेंदूच्या हालचालीशिवाय कोणताही मनुष्य आपले जीवन व्यतीत करू शकत नाही. आपल्या मेंदूचे आपल्या शरीराच्या सर्व भागांवर नियंत्रण असते. आजच्या युगातील व्यस्त जीवनशैली आणि चुकीच्या आहारामुळे लोक मेंदूत ट्यूमर(brain tumor) सारख्या गंभीर आजारांना बळी पडत आहे. हा एक गंभीर आजार आहे ज्यामुळे बरेच लोक आपला जीव गमावतात. परंतु जर या गंभीर आजारावर योग्य वेळी उपचार झाले तर तो बरा होऊ शकतो, म्हणून आज आम्ही तुम्हाला ब्रेन ट्यूमरच्या(brain tumor) सुरुवातीच्या लक्षणांबद्दल सांगणार आहोत. चला तर मग जाणून घेऊया…
शरीरात हळू-हळू समस्या निर्माण होणे
ब्रेन ट्यूमरच्या सुरुवातीच्या अवस्थेत, आपले हात, पाय आणि संपूर्ण शरीरात समस्या निर्माण होण्यास सुरुवात होते. अशा परिस्थितीत तुम्ही त्वरित डॉक्टरांचा सल्ला घ्यावा. यासह, वारंवार चक्कर येणे आणि अचानक बेशुद्धपणा देखील मेंदूत ट्यूमर सारख्या गंभीर आजाराचे संकेत देतो.
सुस्तपणा
जर तुम्हाला जास्त झोप येत असेल आणि दिवसभर सुस्तपणा जाणवत असेल तर त्याकडे अजिबात दुर्लक्ष करू नये. खरं तर, मेंदूवर जास्त दबाव आल्यामुळे आपल्याला जास्त झोप येऊ लागते आणि दिवसभर झोप आल्यासारखे जाणवते, जे मेंदूच्या ट्यूमरचे लक्षण असू शकते.
शारीरिक हालचालींवर परिणाम
मेंदूच्या ट्यूमरमध्ये, कोणत्याही मनुष्याला स्मृती गमावल्यासारखे वाटते. याशिवाय त्याला चालण्यात असंतुलन, शरीराच्या कोणत्याही भागामध्ये अशक्तपणा, बोलण्यात अडचण यासारख्या समस्या येऊ लागतात. ही सर्व लक्षणे ब्रेन ट्यूमरचे संकेत देऊ शकतात.
चेहर्याच्या एका भागामध्ये अशक्तपणा
ब्रेन ट्यूमरमुळे आपल्याला चेहरा किंवा शरीराच्या कोणत्याही भागामध्ये अशक्तपणा जाणवू लागतो. अशी स्थिती असल्यास त्याकडे दुर्लक्ष करू नका आणि तत्काळ डॉक्टरांचा सल्ला घ्या.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.