पुणे : आरोग्यनामा ऑनलाईन टीम – आपण आपला चेहरा अधिक ग्लोईंग दिसावा म्हणून खूप प्रयत्न करत असतो. त्यासाठी आपण वेगवेगळे प्रॉडक्ट आणि काही घरगुती उपायही करतो. म्हणून आपल्या चेहऱ्याचा दिवसभर प्रदूषणापासून बचाव होतो. मात्र रात्री झोपण्यापूर्वी आपल्यापैकी अनेक जण दिवसभराचा चेहऱ्यावर साचलेला मळ धुवून टाकत नाहीत. ही गोष्ट आपल्या चेहऱ्यासाठी हानिकारक आहे. त्यामुळे रात्री चेहऱ्याला नाईट क्रिम लावणे आवश्यक आहे. कारण दिवसभर आपली त्वचा प्रोटेक्शन मध्ये असते. त्वचेला चिरतरुण ठेवण्यासाठी नाईट क्रीम खूप उपयुक्त असतात. चेहऱ्याची त्वचा निरोगी राहावी यासाठी सर्वांनीच नाईट क्रीमचा वापर केला पाहिजे.
या नाईट क्रीमचे फायदे पुढीलप्रमाणे
१) चेहऱ्यावरील दोष बरे करण्यासाठी व त्वचा जीर्ण होण्यापासून नाईट क्रीम चेहऱ्याचा बचाव करते. या क्रीमचा ज्यांचं वय जास्त आहे. त्यांना अधिक फायदा होतो.
२) नाईट क्रीमचा वापर केल्यामुळे सुरकुत्या, जास्त तन्यता आणि त्वचा मरगळलेली दिसत नाही.
३) ऊन आणि प्रदूषणामुळे आपली त्वचा दिवसभर डिहायड्रेट होत असते. त्याचप्रमाणे पाण्याचा अभाव आणि जंक फूड यामुळे चेहरा कोरडा पडतो. नाईट क्रीम चेहऱ्याच्या लवकर कोरड्या होणाऱ्या भागांना पोषण देते.
४) आपल्या शरीरात रात्री रक्ताभिसरण अधिक वेगात होते. त्यामुळे स्कीन केअर उत्पादनांमधील पोषक घटकांना अधिक चांगल्या प्रकारे शोषून घेतले जाते. नाईट क्रीम लावल्यामुळे सकाळी तुमच्या त्वचेला ताजेपणा व उजळपणा प्राप्त होतो.
५) नाईट क्रीममुळे त्वचेची तन्यता पुनर्स्थापित करण्यास मदत होते. व त्वचा घट्ट दिसू लागते.
