आरोग्यनामा ऑनलाइन टीम – गर्भावस्थेत थॉयराइडचा स्तर असंतुलित असेल तर आई आणि बाळ या दोघांच्याही आरोग्यावर परिणाम होतो. हे प्रमाण वाढले तर गर्भपातदेखील होऊ शकतो. यासाठी गरोगदरपणात या आजारापासून बचाव करण्यासाठी काही उपाय केले पाहिजेत. हा आजार नियंत्रणात आणून गर्भावस्थेतील दुष्परिणाम टाळता येणे शक्य आहे.
थायरॉईड
घशात फुलपाखराच्या आकाराच्या ग्रंथीस थॉयराइड म्हणतात. ही ट्रायआयोडोथायरोनिन (टी ३) आणि थायरॉक्सिन (टी ४) हार्मोनचे निर्माण करते. हे दोन हार्मोस श्वास, हृदयाचे ठोके, पचनतंत्र, शरीराचे तापमान, हाडे, मांसपेशी आणि कोलेस्ट्रॉलला नियंत्रित ठेवते. या हार्मोन्सचे अंसतुन झाल्यास वजन कमी किंवा जास्त होऊ शकते. वजन कमी होण्याची स्थिती हायपरथॉयराडिज्म आणि वजन वाढण्याच्या अवस्थेला हायपोथॉयराडिज्म असे म्हणतात. गर्भावस्थेदरम्यान हायपोथॉयराडिज्मची शक्यता जास्त असते.
अशी घ्या काळजी
थॉयराइडला नुकसान करणाऱ्या या वस्तूंमध्ये गोइट्रोजेंस म्हणजेच ब्रोकली, पत्ताकोबी, फूलकोबी इत्यादीसह आणि ग्लूटनयुक्त वस्तूंचा समावेश आहे. यामुळे थॉयराइडच्या कार्यात बाधा येते.
दुष्परिणाम
योग्यप्रकारे उपचार न केल्यास वेळेआधीच बाळंतपण, रक्तदाब वाढणे किंवा गर्भपाताचा धोका वाढतो.
आहाराबाबत काळजी
आयोडिन, सेलेनियम आणि झिंकयुक्त वस्तू हायपोथॉयराडिज्मसाठी लाभदायक आहे. आयोडिन आणि सेलिनियमचे सप्लीमेंटस डॉक्टरांच्या सल्ल्यानेच घ्यावे. पौष्टिक आहार म्हणून अंडी, मटन, मासे आणि फळे आणि भाज्या खाव्यात. थॉयराइड अनियंत्रित झाल्यास कमी वाढ झालेले बाळ जन्माला येऊ शकते. त्याच्यामध्ये इतर आजारही असू शकतात.
हे उपाय करा
* गर्भावस्थेमध्ये पौष्टिक आहार आणि नियमित जीवन शैलीचे पालन करावे.
* दररोज अर्धा तास व्यायाम केल्याने थायरॉइड नियंत्रणात राहते.
* डॉक्टरांचा सल्ला आणि योग प्रशिक्षकाच्या देखरेखीत आसने आणि मेडिटेशन करावे.
* गर्भधारणेपूर्वी थायरॉईडची तपासणी करून उपचार करावेत.
* गर्भावस्थेदरम्यान नियमितपणे थॉयराइडची तपासणी करावी. डॉक्टरांकडून उपचारासंबंधी योग्य बदलांबाबत संपूर्ण माहिती घ्यावी.
* थॉयराइडचे प्रमाण गर्भवती महिलांसाठी वेगळी असते. जे गर्भावस्थेमध्ये महिन्यांनुसार बदलते.