आरोग्यनामा ऑनलाईन- कोरोना कालावधीत निरोगी राहणे एक मोठे आव्हान आहे. यासाठी आपल्या खाण्याकडे विशेष लक्ष देणे आवश्यक आहे, तर हिवाळ्यामध्ये वाढत्या वायू प्रदूषणामुळे श्वसन रोगाचा धोका वाढतो. तज्ज्ञांच्या मते, रोग टाळण्यासाठी रोगप्रतिकारशक्ती मजबूत ठेवणे महत्त्वाचे आहे. यासाठी व्हिटॅमिन-सी असलेले आहार घ्यावेत. आपल्याला कोरोना कालावधीदरम्यान वायू प्रदूषणदेखील टाळायचे असेल तर आपल्या आहारात आवळा(amla ) नक्कीच घ्या. आवळ्याला सुपरफूड मानले जाते. याचा उपयोग करून आपण अनेक प्रकारचे आजार टाळू शकता. याचे सेवन केल्याने रोगप्रतिकारशक्ती मजबूत होते आणि हवेच्या प्रदूषणामुळे होणा-या रोगांचा धोका कमी होतो. आवळा(amla ) कधी आणि त्याचे किती प्रमाणात सेवन करावे ते जाणून घ्या…
आवळ्याचा ज्यूस, त्याचे लोणचे आणि कँडीज सहसा वर्षभर उपलब्ध असतात, परंतु ऑक्टोबर ते फेब्रुवारी महिन्यांत आवळा असतो. हिवाळ्याच्या दिवसात रोज आवळा खाल्ल्याने चेहऱ्याचे सौंदर्य टिकवून राहते आणि रोगप्रतिकारशक्ती मजबूत होते. हे व्हिटॅमिन-सी समृद्ध आहे, जे रोगप्रतिकारकशक्ती मजबूत करते. आवळ्याने सर्दी खोकल्यापासून आराम मिळतो. आवळा सतत खाल्याने सर्दी खोकला होत नाही.
हिवाळ्यादरम्यान, हवेच्या प्रदूषणामुळे हृदयविकाराचा झटका, उच्च रक्तदाब आणि श्वसन समस्येचा धोकादेखील वाढतो. त्याच वेळी, आवळामध्ये अँटीऑक्सिडंट, विरोधी दाहक गुणधर्म आहेत जे आरोग्यासाठी फायदेशीर आहेत. आवळा खाल्ल्याने हृदय निरोगी राहते, रक्तदाब नियंत्रित राहतो आणि यकृत संबंधित सर्व समस्यांपासून मुक्त होतो.
आवळ्याचे सेवन कसे करावे
आवळ्याचे लोणचे करू शकता. याच्या साहायाने तुम्ही आवळाचा रसही पिऊ शकता. तुम्ही मिठाबरोबर आवळादेखील खाऊ शकता. यासाठी दररोज सकाळी रिकाम्या पोटी 1-2 आवळा खावा. दिवसात 2 पेक्षा अधिक आवळा खाऊ नका.
टीप :- वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या. प्रोफेशनल अॅडव्हाईस म्हणून या लेखाचा वापर करू नये.
काही गोष्टी काहींना सूट होतात तर काहींना सूट होत नाहीत. तसेच काही लोकांना काही पदार्थांची अॅलर्जीही असते. त्यामुळं तुम्हाला अॅलर्जी असणारे पदार्थ वापरणं टाळावं.