आरोग्यनामा ऑनलाइन टीम – डोळे हे शरीराचे अतिशय महत्वाचे इंद्रिय असल्याने त्याचे आरोग्य जपणे खुप गरजेचे आहे. डोळ्यांना होणारा संसर्ग आणि इतर समस्यांवर वेळीच उपचार केल्यास पुढे होणारी हानी टाळता येते. अनेकदा जागरण आणि थकव्यामुळे डोळ्यांना सूज येते. ही सूज घालवण्यासाठी काही खास घरगुती उपाय असून त्याची माहिती घेवूयात.
हे उपाय करा
१) थंड काकडीचे दोन तुकडे डोळ्यांवर पंचवीस ते तीस मिनिटे ठेवा आणि शांत झोपा. यामुळे आराम मिळेल आणि सूज कमी होईल.
२) एका रुमालात बर्फ गुंडाळून हलक्या हाताने शेक द्या. सहन होईल अशा पद्धतीनेच काही सेकंदच बर्फ ठेवा.
३) थंड दुधात कापसाचा बोळा बुडवून पाच ते दहा मिनिटांपर्यंत डोळ्यांवर ठेवा. यामुळे चेहरा तजेलदार होईल. सूजही उतरेल.
४) कापूस गुलाब जलमध्ये भिजवून डोळ्यांवर ठेवून झोपा. यामुळे डोळ्यांना आराम मिळेल.
५) दररोज ८ ते १० ग्लास पाणी प्या. यामुळे पचनक्रिया चांगली राहिल.
६) एका भांड्यात पाणी उकळून त्यात २ टी बॅग्स ठेवा. पाणी गार झाल्यावर टी बॅग्स काढून ३ ते ४ मिनिटांपर्यंत डोळ्यांवर ठेवा.
७) डोळ्यांवर गार पाण्याचा शिपका मारा. यामुळे डोळ्यांचा थकवा दूर होतो.