आरोग्यनामा ऑनलाइन टीम – सकाळच्या नाष्टा नियमित केल्यास आरोग्य चांगले राहते, असे आहार तज्ज्ञ सांगतात. सकाळी नाष्ट्या केल्याने दिवसभर शरीरात उर्जा टिकून राहते. नाष्टा करुन दिवसाची सुरुवात केली तर पोट भरलेले राहते. यामुळे जास्त खाण्याची सवय सुद्धा कमी होऊन वजन नियंत्रणात राहील. नाष्ट्यामध्ये कोणत्या १० प्रोटिनयुक्त पदार्थांचा समावेश करावा, याबाबत माहिती आपण घेणार आहोत.
पनीर
पनीरमध्ये कॅल्शियम आणि प्रोटीन भरपूर असते. यातील केसिन नावचे प्रोटिन लवकर डायजेस्ट होत नाही आणि दिर्घकाळ भूक लागत नाही.
दूध
गायीच्या दूधात मोठ्या प्रमाणात व्हिटॅमिन असते. फक्त दूध प्या, अथवा ओट्ससोबत खाऊ शकता. सकाळी फळांसोबत दूध घेणे चांगले असते.
सफरचंद
सफरचंदात फायबर असते. हे लो कॅलरी स्नॅक आहे. यामुळे दिर्घकाळ भूक लागत नाही. पीनट बटर आणि आवडत्या टॉपिंग्ससोबत खाता येते.
सुकामेवा
ब्रेकफास्टमध्ये अक्रोड, मनुके, पिस्ता, शेंगदाणे, काजू यांसारखा सुकामेवा हेल्दी असतो, यामुळे भूक कमी लागते. हे प्रोटीन आणि फायबर युक्त असतात.
बदाम
बदाममध्ये फायबर भरपूर असल्याने दिर्घकाळ भूक लागत नाही. दिवसातून १०-१५ बदाम खाल्ल्याने अवेळी खाणे बंद होते. ब्रेकफास्ट करताना तसेच रात्रभर पाण्यात भिजवून सकाळी दूधासोबत घ्या.
स्मूदी
भाज्या आणि फळांच्या स्मूदीने दिवसाची सुरुवात करा. पालकमध्ये आंबे, रास्पबेरी आणि आवडीचे नट्स मिसळून स्मूदी घ्या आणि दिवसभर उर्जा मिळते.
दही
दह्यामध्ये कॅल्शियमसोबतच प्रोटीन असते. यामध्ये फ्रूट्सचे तुकडे टाकून टेस्टी बनवू शकता. एक लहान कप दह्यामध्ये फक्त १०० कॅलरी असतात.
ओटमील किंवा ओट्स
ओटमील किंवा ओट्स हे फायबरने भरपूर आहेत. यामुळे हे खाल्ल्याने दिर्घकाळ भूक लागत नाही. ओटमील आयरन, मॅग्नेशियम आणि व्हिटॅमिन इ चा चांगला स्त्रोत आहे.
पीनट बटर
विनासाखरेचे पीनट बटर होलग्रेन ब्रेड किंवा ओटमीलसोबत खा आणि ब्रेकफास्टची सुरुवात करा.
अंडी
अंडी खाल्ल्याने दिर्घकाळ भूक लागत नाही. अंडी टेस्टी बनवण्यासाठी ब्रेकफास्टमध्ये ब्रोकली, टोमॅटो आणि चीजसोबतच ऑमलेट किंवा स्क्रेम्बल्ड एग्स बनवा.
