औरंगाबादच्या शासकीय वैद्यकीय महाविद्यालय व रुग्णालयात वर्षभरात दीड हजार महिलांची मॅमोग्राफी झाली असून त्यातील सहा महिलांना ब्रेस्ट कॅन्सर असल्याचे समोर आले आहे. खासगी रुग्णालयांतील रुग्णांचा आकडा यापेक्षा अधिक असू शकतो, असे सांगितले जात आहे.
स्तनांतील गाठींचा शोध घेण्यासाठी मॅमोग्राफी केली जाते. अल्टड्ढासोनोग्राफी तपासणीमध्ये स्तनांची क्ष-किरण, चित्र, मालिका कम्युटरराईज्ड मिळते. या तपासणीत स्तनांची अंतर्गत रचनाही कळते. स्तन कर्करोगाची लागण झालेल्या स्त्रीच्या स्तनातील कर्करोगाच्या गाठी दुधाच्या ग्रंथी आणि दुग्धनिलिकेत किती दूरपर्यंत पोहोचलेल्या आहेत, याचा आढावा द्विमिती (टू डायमेंशन) आणि त्रिमिती (थ्री डायमेंशन) चित्रांच्या माध्यमातून अल्टड्ढासोनोग्राफी तपासणीतून घेता येते.
५० टक्क्यांपेक्षा जास्त स्तनांच्या कर्करोगाचे निदान उशिरा होते. दरवर्षी भारतात एक लाख ४४ हजार स्तनांच्या कर्करोगाच्या नवीन केसेस आढळतात. हा आजार भयावह असून अनेक महिला या आजाराच्या शिकार होत आहेत. स्थूलता, स्तनभार जास्त असणे, आहारात तेल-तुपाचे प्रमाण जास्त असणे. संततीप्रतिबंधक गोळ्यांचा दीर्घ वापर, स्तनपान कमी करणे अशांना स्तनांच्या कर्करोगाचा धोका संभवू शकतो.
स्तनांमध्ये गाठ तयार होणे, स्तनांचा आकार वाढणे किंवा बदलणे अथवा सूज येणे, स्तनाग्रे दाबल्यावर स्राव पाझरणे किंवा स्रावाचा रंग बदलणे, स्तनांमध्ये आलेली गाठ हे स्तन कर्करोगाचे प्राथमिक लक्षण असू शकते. स्तनातील एकूण गाठींपैकी १० ते १२ टक्के गाठी या फक्त कर्करोगाच्या असू शकतात.