विषारी तणनाशकांचे आरोग्यावर होतात गंभीर परिणाम

विषारी तणनाशकांचे आरोग्यावर होतात गंभीर परिणाम
पुणे : आरोग्यनामा ऑनलाइन – व्हिएतनाम युद्धात अमेरिकेच्या विमानांनी व्हिएतनामवर फवारलेल्या एजन्ट ऑरेंज या विषारी तणनाशकाचे अंश ५० वर्षांनंतरही येथील अन्नधान्यांत आढळून येत आहेत. व्हिएतनाम युद्धादरम्यान अमेरिकेने व्हिएतनामच्या हद्दीतील पर्जन्यवने, पाणथळीच्या जागा आणि शेती होत असलेला भागात २० दशलक्ष गॅलनपेक्षा जास्त तणनाशकाची हवाई फवारणी केली होती. यात डायऑक्सिन मिसळलेल्या घातक एजन्ट ऑरेन्जचा समावेश होता.

व्हिएतनामी काँग्रेसच्या योद्ध्यांनी ज्या जंगलांत आश्रय घेतला होता, ती दाट जंगले एजन्ट ऑरेंजमुळे विरळ झाली. तसेच या देशाच्या काही भागांतली पिकेही या तणनाशकामुळे नष्ट झाली. असे असले तरी, या तणनाशकातील डायऑक्सिनमुळे व्हिएतनामी आणि अमेरिकी सैनिकांना प्रारंभिक बाधा झाली.

एजन्ट ऑरेंज आणि डायऑक्सिनबाबतचे यासंदर्भातील संशोधन हे प्राथमिकदृष्ट्या वैद्यकीय स्वरूपाचे आहे. यात आम्ही या रसायनांचा त्वचेशी संपर्क आल्याने मानवावर होणारा परिणाम आणि अमेरिकी सैनिकांवर झालेले दीर्घकालीन परिणाम यांवर लक्ष केंद्रित केले आहे. या तणनाशकाचा व्हिएतनामच्या नैसर्गिक साधनसंपत्तीवर झालेला अल्पकालीन आणि दीर्घकालीन परिणाम, तेथील माती, पाणी, गाळ, मासे आदी जलचर आणि अन्नपुरवठा, लोकांचे आरोग्य यांवर डायऑक्सिनचा सातत्याने कितपत परिणाम झाला, याचा अभ्यास संशोधकांनी केला आहे.

तज्ज्ञांचं मार्गदर्शन

ताज्या घडामाेडी

फिटनेस गुरु