‘या’ १० पैकी काही ‘एक’ खाल्ल्यास शरीरातील रक्‍ताचे (HB) प्रमाण वाढेल, जाणून घ्या

‘या’ १० पैकी काही ‘एक’ खाल्ल्यास शरीरातील रक्‍ताचे (HB) प्रमाण वाढेल, जाणून घ्या

आरोग्यनामा ऑनलाइन टीम – शरीरात रक्ताचे प्रमाण कमी होणे ही समस्या पुरूषांच्या तुलनेत महिलांमध्ये जास्त आढळते. रक्ताची कमतरता निर्माण होते तेव्हा शरीरात हिमोग्लोबिन कमी असते. हिमोग्लोबिन हे एक प्रकारचे प्रोटीन असून त्यामुळे शरीरातील ऑक्सीजनच्या प्रसारणाचे काम होते. हिमोग्लोबिनच्या कमतरतेमुळे अ‍ॅनिमिया नावाचा आजार होतो. शरीरात रक्ताचे प्रमाण कमी असणारा, हेमोलायसिस, रक्तात पेशींचे प्रमाण कमी असल्याने होणारा असे, अ‍ॅनिमियाचे प्रमुख तीन प्रकार आहेत.

अ‍ॅनिमियाचे कारण
लोह तत्वाची कमतरता, व्हिटॅमिन बी १२ ची कमतरता, फोलिक अ‍ॅसिडचे कमी प्रमाण, गरजेपेक्षा जास्त रक्त, पोटात इन्फेक्शन, धुम्रपान, रक्ताची कमतरता, वृध्दत्व, काही औषधांचे अतिसेवन, यामुळे अ‍ॅनिमिया होतो.

अ‍ॅनिमियाचे लक्षण
जास्त झोप येणे, थकवा जाणवणे, अस्वस्थता, श्वास घेण्यास त्रास होणे, भिती वाटणे, सर्दीमुळे जास्त संवेदनशिल होणे, पाय आणि हातावर सूज, क्रोनिक हार्ट बर्न, जास्त घाम येणे, ही अ‍ॅनिमियाची लक्षणे आहेत.

बीट
बीट हे अ‍ॅनिमियावर रामबाण उपाय आहे. यामध्ये लोह तत्त्व भरपूर असते. बीट रक्तपेशींना उर्जा देते. रक्तपेशी अ‍ॅक्टीव्ह झाल्यास त्या पूर्ण शरीरात ऑक्सीजन पसरवतात. बीट हे सिमला मिरची, गाजर, टोमॅटोसारख्या भाज्यांमध्ये मिक्स करून खावे. बीट सलाडमधून किंवा ज्यूस तयार करूनसुध्दा खाता येते.

पनीर बटर
पनीर बटर हे प्रोटीनयुक्त असल्याने रोजच्या डायटमध्ये याचा सामावेश करावा. रोज पंचवीस ग्रॅम शेंगादाणे खाल्यानेही अ‍ॅनिमियापासून आराम मिळतो. दोन चमचे पनीर बटरमध्ये ०.६ मिली ग्रॅम आयर्नचा सामावेश असतो. रोज सकाळी ब्रेडवर पनीर बटर लावून खावे.

टोमॅटो
टोमॅटोमध्ये भरपूर प्रमाणात व्हिटॅमिन सी आणि लायकोपिन असते. व्हिटॅमिन सी आयर्नला एब्जार्ब करते. यात बीटा केरोटीन आणि व्हिटॅमिन ई सुध्दा असते.

पालक
पालकची भाजी अ‍ॅनिमियासाठी औषधासारखे काम करते. यामध्ये कॅल्शिअम, व्हिटॅमिन ए, बी९, व्हिटॅमिन ई आणि व्हिटॅमिन सी, फायबर, बीटा केरोटीन असते. अर्धा कप उकळलेल्या पालकामध्ये ३.२ मि.ग्रा. आयर्नचा सामावेश असतो. याचे एकदा सेवन केल्यास महिलांच्या शरीरातील २० टक्के आयर्नची कमतरता पूर्ण होते.

सोयाबीन 
सोयाबीन आयर्नयुक्त असते. यामुळे लो फॅटसह जास्त प्रमाणात आयर्न मिळते. हे अ‍ॅनिमिया रुग्णांसाठी खूप लाभदायक आहे. सोयाबीन रात्री कोमट पाण्यात भिजवावे. त्यानंतर उन्हात सुकवावे. गहू आणि सोयाबिन एकत्र दळून चपाती कराव्यात.

मध
मध हे अ‍ॅनिमियामध्ये खूप फायदेशीर असते. १०० ग्रॅम मधामध्ये ०.४२ मिली ग्रॅम आयर्न असते. म्हणून हे खाल्यास रक्ताच्या प्रमाणात वाढ होते. एका लिंबूच्या रसात एक ग्लास पाणी मिसळवा. त्यानंतर एक चमचा मध मिसळवा. रोज असे एक ग्लास लिंबू पाणी पिल्यास शरीरात रक्ताची वाढ होईल.

गुळ
एका चमचा गुळामध्ये ३.२ मिली ग्रॅम आयर्न असते. अ‍ॅनिमियाग्रस्ताने रोज १०० ग्रॅम गुळ जरूर खावा.

सुका मेवा 
अ‍ॅनिमियाचे रुग्णांनी सुक्या मेव्याचे सेवन जरूर करावे. सुक्या मेव्यामुळे शरीरातील रक्ताचे प्रमाण वेगाने वाढते.

सफरचंद आणि खजूर 
सफरचंद आणि खजूर दोन्हींमध्ये गरजे इतके आयर्न असते. सफरचंदामध्ये व्हिटॅमिन सी ला अ‍ॅब्जॉर्ब करण्यास मदत होते. १०० ग्रॅम सफरचंदामध्ये १२ टक्के आयर्नचा सामावेश असतो. रोज एक सफरचंद आणि दहा खजूर खाल्यास अ‍ॅनिमिया दूर होतो.

तज्ज्ञांचं मार्गदर्शन

ताज्या घडामाेडी

फिटनेस गुरु